Монда сүз Болгар Ислам академиясе ректорын алмаштыру турында бармый – Минтимер Шәймиев

Татарстан Дәүләт Киңәшчесе Болгар ислам академиясе төзүнең өлгереп җиткән мәсьәлә булуын әйтеп, бераз гына мәсьәләнең тарихы белән таныштырып үтте. М.Шәймиев сүзләренчә, моннан ел ярым элек Уфада узган киңәшмәдә РФ Президенты Владимир Путин Россиядә докторлык диссертацияләре яклый торган магистратуралы, дин белгечләрен әзерләүче югары уку йорты оештыру турында теләк белдергән булган.

“Безнең мөселманнарның, православие вәкилләре һәм башка конфессияләрнең тәгълиматлары, карашлары гасырлар буе уртак тел таба алуын, тынычлыкта һәм татулыкта яши алуын дәлилләгән. Мондый тәҗрибәгә ихтыяҗ хәзер беркайчан булмаганча зур. Аңа бөтен дөнья мохтаҗ”, - диде Дәүләт Киңәшчесе.

Билгеле булганча, Татарстан Президенты Камил Шамил улын (Исхаковны) үзенең ярдәмчесе итеп билгеләде. М.Шәймиев Ак мәчетнең конференцияләр залында узган Болгар Ислам академиясен гамәлгә куючылар советы утырышында К.Исхаковның совет җитәкчесе итеп куелганын әйтте. Бу советтагы әгъзаларның теге яки бу мәсьәлә килеп чыкканда бер фикергә килүе өчен кирәк.

Минтимер Шәймиев Камил Исхаковның 2008-2011 елларда Җиддәдә “Ислам конференциясе” оешмасында Россиянең даими вәкиле (2011 елдан соң – Ислам хезмәттәшлек оешмасы) булып хезмәт итүен зур тәҗрибә дип билгеләп үтте.

“Монда сүз ректорны алмаштыру турында бармый. Ул (Камил Исхаков – ред.) иң элек академияне гамәлгә куючылар белән эшләячәк. Бер үк вакытта (без сентябрьдә эшне башлап җибәрергә җыенабыз бит) академияне гамәлгә куючылар белән берлектә укытучыларны сайлап алырга кирәк. Барысы да килешенеп эшләнергә тиеш. Академия уставына үзгәрешләр дә кертергә кирәк. Дин галимнәрен табарга кирәк. Бөтен Россия буенча имамнарны табарга һәм алар белән эшләргә кирәк. Мәдрәсәдә, институтта укучы талантлы егетләр бар. Менә шулардан сайлап алырга кирәк”. – диде М.Шәймиев, эшнең дөньякүләм таралган тәҗрибәне исәпкә алып башланырга тиешлеген билгеләп үтте.

Болгар Ислам академиясе комплексын киләсе елда вакытында кулланышка тапшырырга ниятлиләр. Анда укучылар өчен дә, укытучылар өчен дә барлык шартлар тудырыла. М.Шәймиев сүзләренчә, әле эшлисе эшләр байтак. Шуларның берсе Болгар Ислам академиясенә ректор табу белән бәйле дип аңлашылды.

Улыгызны да, кызыгызны да, тормышта ялган диннәргә, секталарга кереп китмәслек итеп, үзе дөрес фикерли алырлык итеп тәрбияләгез – Үзегезне үзегез тәрбияләгез, гыйлем алыгыз. Кеше, үзенең холкын, тәрбиясен күркәмләтеп, фәрештә югарылыгына күтәрелә ала, киресенчә, инстинктлар буенча гына яшәп хайван түбәнлегенә дә төшә ала, – дигән. – Үзегезне тәрбияләгәч, ныклы гаилә корыгыз, балалар үстереп, улыгызны да, кызыгызны да, тормышта ялган диннәргә, секталарга кереп китмәслек итеп, үзе дөрес фикерли алырлык итеп тәрбияләгез.

Бу темага:

“Татар-Ислам” мәгълүмат агентлыгы Камил Исхаков тормышындагы Ислам белән бәйле кызыклы фактларны барлады

Камил Исхаковның шәҗәрәсе Чыңгыз ханның көрәштәшенә барып тоташа (ЭКСКЛЮЗИВ материал)

Римма Гатина. Болгар.