Мәүлид бәйрәмен үткәрүнең дөреслегенә икенче дәлил

“Татар-Ислам” мәгълүмат агентлыгы ТР мөселманнары Диния нәзарәте карамагандагы “Хузур” нәшрияты Мәүлидкә багышлап чыгарган китаптан Мәүлид бәйрәмен үткәрүнең дөреслегенә дәлилләр белән таныштыруны дәвам итә.

БӘЙЛЕ
2016 Дек 02. Фото:islam.ua

Икенче дәлил. Аллаһның Рәсүле (аңа Аллаһның рәхмәте һәм сәламе булсын!) үзенең туган көнен үзе дә зурлаган, туган көне өчен Аллаһка зур рәхмәтен белдергән, ул аны Аллаһның Пәйгамбәргә (аңа Аллаһның рәхмәте һәм сәламе булсын!) бүләк иткән бик олы нигъмәте итеп кабул иткән, Аңа бу дөнья тормышы төзеп бүләк иткәне өчен чиксез рәхмәтле булган. Чөнки Аллаһның бу рәхмәте Пәйгамбәрнең (аңа Аллаһның рәхмәте һәм сәламе булсын!) бу дөньяга килүе аркасында, җирдәге бар җан ияләре дә зур шатлыкка ия булганнар, бәхеткә ирешә алганнар. Туган көнен олылауны Пәйгамбәр (аңа Аллаһның рәхмәте һәм сәламе булсын!) ураза тотып билгеләп үткән. Бу турыда Мөслимнең Әбү Катада тапшырган хәдисендә болай дип әйтелә: Пәйгамбәрдән (аңа Аллаһның рәхмәте һәм сәламе булсын!) дүшәмбе көнне ураза тоту турында сорагач, ул: “Дүшәмбе – минем туган көн һәм бу көнне миңа вәхи иңдерелде”, - җавап биргән.

Аллаһ Рәсүленең (аңа Аллаһның рәхмәте һәм сәламе булсын!) бу сүзләре шундый мәгънәгә ия: димәк, аның туган көнен, ягъни дүшәмбе көннәрен билгеләп үтү мөмкин гамәл, тик аны бәйрәм итү төрлечә булырга мөмкин. Бу риваять Пәйгамбәрнең (аңа Аллаһның рәхмәте һәм сәламе булсын!) туган көнен билгеләп үтү нинди рәвештә булуга карамастан – ураза тотып билгеләнеп үтәме ул, әллә инде сый әзерләп, башка кешеләрне җыю, анда Пәйгамбәрне (аңа Аллаһның рәхмәте һәм сәламе булсын!) искә алу, аңа салаватлар әйтү, аның турында, күркәм әхлак сыйфатлары, өстенлекләре һәм камиллекләре турында хикәятләр сөйләү һәм тыңлау рәвешендәме – рөхсәт ителгән гамәл булуын дәлилли.

Бөек Ислам галиме, дүрт мәзхәб белгече сәед (Пәйгамбәребез Мөхәммәд галәйһиссәләмнең нәселеннән булган), Мәккәдә һәм Мәдинәдә иң зур хөрмәткә лаек булган Шәех Мөхәммәд ибне Галәви әл-Мәлики (1946-2004).


Комментарийны калдырыгыз
avatar

Янв 13
Янв 09
Ноя 22
Окт 12
Сен 12
Сен 06
Сен 06
Сен 02
Авг 29
Июл 05
Июн 21
Май 24
Май 20
Май 19
Май 19
Май 14
Май 14
Май 13
Май 12
Май 12

40 тартма
Дин
Мәкаләләр


Вакыйга

Әңгәмәләр
© 2009-2024 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе