"Шура" журналының чираттагы саны Рамазан аена багышлана

Татарстан имамнарына атап әзерләнгән «Шура» журналының егерменче саны дөнья күрде. Бу сан, нигездә, мөбарәк ай Рамазанга багышлана. Рамазан ае өчен махсус вәгазьләр, Ураза гаете вәгазе һәм хөтбәсе, аның татарчага тәрҗемәсе белән журнал аша танышырга мөмкин. Шулай ук биредә Рамазан аена һәм уразага кагылышлы сорауларга җаваплар, уразаның фазыйләтләре турында хәдисләр һәм риваятьләр, игътикәф турында мәгълүматлар басылган.

БӘЙЛЕ
2018 Май 07. Фото:dumrt.ru

Кварталга бер тапкыр нәшер ителә торган альманах Татарстан мөфтие Камил хәзрәт Сәмигуллинның Рамазан ае якынлашу уңаеннан котлау мөрәҗәгате белән ачыла. Татар дин галиме Шиһабетдин Мәрҗанинең тууына 200 ел тулу уңаеннан журналда аерым бүлек урын алган. “Үрнәк затлар”, “Фән”, “Тарих”, “Әңгәмә”, “Нәсыйхәт”, “Әдәби сәхәфә” бүлекләрендә дә укучылар бай эчтәлекле мәкаләләр белән таныша алалар.

"Шура" альманахы нәзарәтнең "Хузур" нәшрият йорты тарафыннан мәчет имамнары өчен әзерләнә. Журнал, инкыйлабка кадәрге Россиядә чыга башлаган булса да, ТР мөфтие Камил хәзрәт Сәмигуллин редакциясендә үз эшчәнлеген 2014 елдан яңартып җибәрде. "Шура" журналы имамнар өчен ярдәмлек. Басмада җомга вәгазьләре, фәтвалар, актуаль сорауларга җаваплар бастырыла. Шунысы әһәмиятле, ​альманах Татарстанның барлык мәчетләрендә дин тәгълиматы ягыннан тикшерелгән бердәй вәгазьләр укуны тәэмин итә. Бу хакта мөфтиятнең матбугат хезмәте хәбәр итә.


Комментарийны калдырыгыз
avatar

Янв 13
Янв 09
Ноя 22
Окт 12
Сен 12
Сен 06
Сен 06
Сен 02
Авг 29
Июл 05
Июн 21
Май 24
Май 20
Май 19
Май 19
Май 14
Май 14
Май 13
Май 12
Май 12

40 тартма
Дин
Мәкаләләр


Вакыйга

Әңгәмәләр
© 2009-2024 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе