Алмаз Шәвәлиев: «Миңа бөтен нәрсәне тотып карарга кирәк».

Башкортстанның Бәләбәй районыннан 26 яшьлек күрмәүче Алмаз Шәвәлиев: «Минем өчен шакмак, түгәрәк әйберләр бар. Миңа бөтен нәрсәне тотып карарга кирәк. Ә менә төсләрне мин оныттым инде… Күз алдында томан гына. Ә менә төсләрне мин оныттым инде… Күз алдында томан гына» — дип сөйли. «Дөньяны фигуралар белән күзаллыйм»,  — ди ул.

БӘЙЛЕ
2023 Фев 22

Алмаз Шәвәлиев Казанга Башкортстанның Бәләбәй шәһәреннән килгән. Ул «Ярдәм — Помощь» Гомуммилли хәйрия фонды комплексында «Йөрәк белән күрәбез һәм ишетәбез» тернәкләндерү курсларын уздыру турында матбугат очрашуы узганда журналистлар белән аралашты. Бу аралашу вакытында фонд җитәкчеләре тормышка ашырылган эшләр, Президент грантын кулланып аны дәвам итү турында сөйләгән иде. Берочтан Алмаз тарихын да белергә мөмкин булды.

Курслар турында телевизордан ишетеп белдем.  2020 елда, шалтыратып, гариза калдырдым. Чакырганнарын 2 ел көткән идем. Аннары пандемия башланды да, кичерелде. Монда мин русча Брайль системасына йөрдем. Әле тәҗрибә җитми — укуы авыррак.

Гомуммилли «Ярдәм — Помощь» хәйрия фонды каршындагы тернәкләндерү үзәгендә күрмәүчеләр өчен махсус «Йөрәк белән күрәбез һәм ишетәбез» курслары РФ Президенты гранты ярдәмендә дәвам итә.

«Миндә — катаракта һәм челтәр катламның атрофиясе. Бу хәл минем белән 7 яшьтә булды. Бөтенләй күрмәү табибларның хатасы аркасында, дип уйлыйм. Дөрес дәвалану ысулын әйтмәгәннәр»,  — ди ул.

Ә буш вакытында ниләр белән шөгыльләнә, Алмаз?
«Безнең гаиләдә 3 бала. Ике энем бар, ә мин — иң олысы. Аларның күзләре әйбәт күрә. Бергәләп хоккей, футбол уйнарга яратабыз. Мин, гомумән, дөньяны фигуралар белән күзаллыйм. Минем өчен шакмак, түгәрәк әйберләр бар. Миңа бөтен нәрсәне тотып карарга кирәк. Ә менә төсләрне мин оныттым инде… Күз алдында томан гына»,  — ди Алмаз Шәвәлиев.

Бу турыда Ралинә Сәлимова күзе күрмәүчеләрнең тарихлары турында язган мәкаләсендә хәбәр иткән. Ул «Интертат. Ру» исемле веб-газетада эшли.


Комментарийны калдырыгыз

Янв 13
Янв 09
Ноя 22
Окт 12
Сен 12
Сен 06
Сен 06
Сен 02
Авг 29
Июл 05
Июн 21
Май 24
Май 20
Май 19
Май 19
Май 14
Май 14
Май 13
Май 12
Май 12

40 тартма
Дин
Мәкаләләр


Вакыйга

Әңгәмәләр
© 2009-2024 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе