Халыкара мөселман киносы фестиваленә килгән фильмнар ислам үсеше, сугыш, иммигрантлар, бәйсезлек темаларын колачлый

5-11 сентябрь көннәрендә Казанда узачак XII Халыкара мөселман киносы фестивале кысаларында күрсәтеләчәк фильмнар исемлеге билгеле булды. Бу исемлек Мәскәүдән кино белгече Сергей Лаврентьев җитәкчелегендәге сайлап алу комиссиясе тарафыннан төзелгән. Алдагы еллардан аермалы буларак, агымдагы ел конкурс программасына кертелгән фильмнар фестивальне үз иткән тамашачы өчен генә түгел, киң аудиториягә кызыклы булачак.

БӘЙЛЕ
2016 Авг 04. Фото: info-islam.ru

Быел Халыкара мөселман киносы фестивале ислам үсеше, сугыш, иммигрантлар, бәйсезлек һәм суверенитет кебек темаларны колачлый. Тамашачы Литвада,Франциядә һәм Белоруссиядә диннең ничек таралуы һәм яшәеше турындагы кинотасмаларны тамаша кыла алачак, дип ышандыра оештыручылар.

Фестивальгә 700дән артык заявка килде. Тәүге тапкыр Литва һәм Чили кинематографистлары кинофорумда катнашырга теләк белдерде.

Мәртәбәле форум бүләкләренә 33 илдән 60 фильм дәгъва итә. Алар конкурс программасы кысаларында “Тулы метражлы нәфис фильм”, “Кыска метражлы нәфис фильм”, “Тулы метражлы документаль фильм”, “Кыска метражлы документаль фильм” номинацияләрен колачлый. Россиянең яшь режиссерлары альманахларын исә “Яшь Россия” номинациясендә күреп булачак. Фестивальне оештыручылар тамашачыларны Казанның “Родина” һәм “Мир” кинотеатрларында көтеп кала.

Фестивальнең “Тулы метражлы нәфис фильм” номинациясендә Россиядән якут режиссеры Сергей Потаповның «Божество Дьесегой» фильмы да бар. “Кыска метражлы нәфис фильм” номинациясендә Татьяна Астапова “Өйгә юл” һәм Таңсулпан Буракаева “Ике күрше” фильмнарын тәкъдим итә. Шулай ук Россия кинематографистларының Испания, Норвегия-Финляндия кебек илләрнең кино төшерүчеләре белән берлектә иҗат иткән кинотасмалар да җитәрлек. Мәсәлән, Мәсәлән, «Лев Толстой и Махатма Ганди» фильмы Россия-Һиндстан тандемында төшерелгән.

Татарстан режиссерларының эшләре “Тулы метражлы документаль фильм”, “Кыска метражлы документаль фильм” номинацияләренә кертелде. Без Ренат Хәбибулинның “Мәрҗани мәчете. Гамәлгә ашкан традицияләр тарихы” һәм Руслан Вәлиевнең "ЗК" фильмнарын тамаша кыла алачакбыз.

Россия кино төшерүчеләренең хезмәтләре «Анимацион фильм» номинациясендә бик күп тәкъдим ителә. Татарстаннан Сергей Киатровның “Мирас угы” дип аталган мультфильмын карый алачакбыз. “Яшь Россия” номинациясендә Светлана Калина һәм Айдар Шәрипов фильмнары катнаша.

Фестивальдә, төп программадан тыш, конкурстан тыш һәм башка программалар да каралган. "Аларда Россия киносы елы, Габдулла Тукай юбилее, күп еллар элек төшерелгән кинога акцент ясала", - ди фестивальнең арт-директоры Альбина Нафигова. Шулай ук Европа киносы һәм кыска метражлы фильмнарны күрсәтү дә көтелә.

Фестивальнең конкурс программасы кысаларында күрсәтеләчәк фильмнар исемлеге белән kazan-mfmk.com сайтында танышып була.


Комментарийны калдырыгыз
avatar

Ноя 22
Окт 12
Сен 12
Сен 06
Сен 06
Сен 02
Авг 29
Июл 05
Июн 21
Май 24
Май 20
Май 19
Май 19
Май 14
Май 14
Май 13
Май 12
Май 12
Май 09
Май 09

40 тартма
Дин
Мәкаләләр


Вакыйга











Әңгәмәләр
© 2009-2023 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе