Балтач районында бик матур итеп эшли торган имамнарыбызның күбесе – “Ислам динен кабул итүгә 1000 ел” мәдрәсәсе шәкертләре - Җәлил хәзрәт Фазлыев

Казанда “Ислам динен кабул итүгә 1000 ел” исемендәге югары мөселман мәдрәсә ачылуга 25 ел тулу уңаеннан тантаналы чаралар уза. Татарстанның баш казые, Балтач районы имам-мөхтәсибе Җәлил хәзрәт Фазлыев: “Әлеге мәдрәсәнең мөселман өммәте, Татарстан өммәте өчен кыйммәте нәрсәдә?” дигән сорауга җавап биреп, бу дини уку йортының бик хөрмәт ителүен билгеләп үтте.

БӘЙЛЕ
2016 Дек 23. Фото:Римма Гатина

“Әгузе билләһи минәшшәйтанир раҗим. Бисмилләһир рахмәнир рахим. “Ислам динен кабул итүгә 1000 ел” мәдрәсәсе - безнең иң хөрмәт итә торган уку йортларыннан. Бүген районыбызда бик матур итеп эшли торган имамнарыбызның күбесе – шушы мәдрәсә шәкертләре. Ни өчен без аны бик хөрмәт итәбез? Беренчедән, анда элек-электән тәртип бик яхшы куелган. Имамнарга дисциплиналы булу кирәк. Аннан соң бу мәдрәсә имам бер-ике ел эшләп күрсәтмичә, диплом да бирми.

Бу мәдрәсә - безнең Татарстанда үзгәртеп корулардан соң ачылган иң беренче мәдрәсәләрнең берсе. Мәдрәсә белән бәйләнешләребез элек-электән бара. 1993 елда уразада без (Балтач районы – ред.) шушы мәдрәсәдән 35 шәкерт кабул иттек. Районда 3 мәчет бар иде. Алар шунда практика үтте. Шуннан соң ел саен шәкертләрне кабул итеп торабыз, үзебез дә булган шәкертләрне шунда җибәрәбез.

Әхлакка, татарча укытуга, кием мәсьәләсенә игътибар зур монда. Аннан соң дипломны да эшләп күрсәткәч кенә бирәләр. Менә бу әйберләр бик кыйммәт. Бөтен мәдрәсәләргә нигез итеп алырлык.

Бездә ничектер әдәп-әхлакка, тәртипкә җиңел каралып, кайвакыт кайбер имамнарның эшләп китә алмавына шул да сәбәп бит инде”, - диде Җәлил хәзрәт Фазлыев.

Римма Гатина.


Комментарийны калдырыгыз
avatar

Авг 13
Авг 08
Авг 02
Июл 16
Июл 03
Июн 27
Май 22
Май 18
Май 17
Май 14
Май 14
Май 07
Май 01
Апр 19
Апр 12
Апр 11
Фев 14
Фев 05
Янв 15
Дек 26

40 тартма
Дин
Мәкаләләр


Вакыйга

Май 07

Май 10

Фев 09

Янв 11

Янв 06

Әңгәмәләр
© 2009-2020 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе