2016 Сен 23. Фото:dumrt.ru
Иҗат бәйрәме 12 сәгать 30 минутта башлана, дип хәбәр итә ТР мөселманнары Диния нәзарәте матбугат хезмәте.
Җәлил хәзрәт Фазлыевның безнең сайтта "Аллаһ тәрбияче һәм укытучы" дигән вәгазе урнаштырылган. Аннан өзекне сезгә дә тәкъдим итәбез. Тулы текстны
сылтама буенча кереп укып була.
Аллаһ Раббыбыз — Тәрбияче һәм Укытучы. Без барыбыз да Аннан дәрес алучылар. Аллаһ Раббыбыз хикмәт белән һәркөн Үзенең колларына дәрес бирә, бу болганчык дөньяда туры юлны табарга ярдәм итә. Без — дөнья яратылганда җан буларак яратылып, акыл нигъмәте белән нигъмәтләнеп. Җир йөзенә хәлифә булып килгән бәндәләр, тормыш сабакларыннан гыйбрәт алып, үзебезнең хаталарыбызны төзәтеп, пакь-саф хәлдә кабат Аллаһ хозурына кайтырга тиешбез. Беркем дә — баймы ул, ярлымы, зур дәрәҗәлеме, түгелме — җанны үзе теләгән кадәр үзендә тота алмый, Аллаһка кайтарырга тиеш. Җаннарыбызны, калебләребезне пакьләр өчен безгә Ислам дине бирелде. Бүген дин тотарга, дини белем алырга мөмкинлекләр күп. Әмма без, кызганыч ки, гафиллектән чыгарга ашыкмыйбыз, гөнаһ кылудан чирканмыйбыз.