Согуд Гарәбстаны Корольлеге хаҗга җыенучыларга электрон медицина картасы булдырырга киңәш итә

Кулланучыларның хокукларын яклау һәм кеше иминлеге өлкәсендә күзәтчелек буенча федераль хезмәтнең Дагыстан Республикасындагы идарәсе бүген хаҗ кылучыларга куела торган таләпләр белән таныштырды.

БӘЙЛЕ
2016 Авг 02. Чыганак: 05.rospotrebnadzor.

Шулай итеп, Согуд Гарәбстаны Корольлеге хаҗиларның менингококк инфекциясенә (менингит) каршы прививка ясалганлыгы турында сертификаты булуын, гриппка каршы вакцина ясатуын таләп итеп куя. Хаҗга азык-төлек алып баруны тыя.

Менингококк инфекциясенә (менингитка) каршы прививка Согуд Гарәбстаны Корольлегенә барырга 10 көн кала дүрт компонентлы ACYW вакцинасы белән ясалырга һәм Россия Федерациясе сәламәтлек саклау органнары тарафыннан расланырга тиеш. Әгәр вакцина элегрәк ясалган икән, аның яраклылык вакыты 3 елдан артып китмәве хәерле.

Шулай ук һәр хаҗига гриппка каршы вакцинаны хаҗ кылырга чыгып киткәнче ясату зарур. Бу бигрәк тә өлкән яшьтәге, шикәр чире булган кешеләргә, тын юллары, бавыр, бөер һәм йөрәк авырулары белән даими чирләүчеләргә кагыла.

Хаҗ кылырга автобус яки җиңел машина (коры җир транспорты) белән килүчеләргә үзләре белән яхшылап ябылган савытта саклана торган һәм консервланган азык-төлек кенә алырга рөхсәт ителә. Әгәр савыты ачыла торган икән, андагы ризыклар тиз арада ашалып бетәргә тиеш. Халыкара медицина һәм санитария кагыйдәләре тарафыннан каралган авырулар килеп чыкканда, гадәттән тыш халыкара вәзгыять килеп туганда, Согуд Гарәбстаны Корольлеге эпидемияләр белән көрәш чараларын уздыруны үз өстенә ала.

Әлеге кагыйдәләр берничә ел дәвамында үзгәрешсез кала. Әмма, алдагы еллардан аермалы буларак, Согуд Гарәбстаны Корольлеге хаҗиларга электрон медицина картасы булдырырга киңәш итә. Анда хаҗ кылучының сәламәтлеге турында бөтен мәгълүмат туплап бирелә.


Комментарийны калдырыгыз
avatar

Авг 13
Авг 08
Авг 02
Июл 16
Июл 03
Июн 27
Май 22
Май 18
Май 17
Май 14
Май 14
Май 07
Май 01
Апр 19
Апр 12
Апр 11
Фев 14
Фев 05
Янв 15
Дек 26

40 тартма
Дин
Мәкаләләр


Вакыйга

Май 07

Май 10

Фев 09

Янв 11

Янв 06

Әңгәмәләр
© 2009-2020 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе