Ш.Мәрҗанинең әти-әнисе кабер ташы тиз арада реставрацияләнергә тиеш дип саныйбыз – А.Гайнетдинов

Мәшһүр татар мәгърифәтчесе, фәлсәфәчесе, тарихчысы, дин әһеле, педагог, археолог, этнограф, көнчыгыш халыклар белгече Шиһабетдин Мәрҗанинең әти-әнисе кабер ташы табигый рәвештә җимерелеп, уалып бара. Арча районы Ташкичү авылы зиратында аларның икесенә бер кабер ташы куелган. Бу хакта “Татар-Ислам” мәгълүмат агентлыгы хәбәрчесенә Ш.Мәрҗани исемендәге Тарих институты өлкән фәнни хезмәткәре, филология фәннәре кандидаты Айдар Гайнетдинов хәбәр итте.

БӘЙЛЕ
2016 Сен 21. Фото: Айдар Гайнетдинов

“Өлешчә җимерелгәнгә күрә, кабер ташының текстына да зыян килгән. Без бу таш тиз арада реставрацияләнергә тиеш дип саныйбыз”, - ди галим.

Шиһабетдиннең әтисе Баһаветдин Мәрҗани заманы өчен алдынгы карашлы һәм төпле белемле шәхес була. Бохара мәдрәсәсендә белем алгач, башта Казан өязе Ябынчы авылында (хәзерге Әтнә районы) укыта, аннан Арча районы Ташкичү авылы мәдрәсәсендә белем бирә. Ш.Мәрҗани дә 4 сыйныфны әтисе мәдрәсәсендә тәмамлый. Әнисе Хөбәйбә исемле була. Ул Ш.Мәрҗанигә 5 яшь булганда үлеп китә.

Айдар Гайнетдинов, Арча районы зиратларында булып, XV гасырдан алып 1939 елга кадәрге кабер ташларын өйрәнгән. Шиһабетдин Мәрҗанинең калган туганнары (әби-бабасы, энесе һ.б.) каберләре дә игътибардан читтә калмаган. Нәтиҗәдә “Арча районы эпиграфик истәлекләре” дигән хезмәт язылган.

Римма Гатина.

Комментарийны калдырыгыз
avatar

Авг 13
Авг 08
Авг 02
Июл 16
Июл 03
Июн 27
Май 22
Май 18
Май 17
Май 14
Май 14
Май 07
Май 01
Апр 19
Апр 12
Апр 11
Фев 14
Фев 05
Янв 15
Дек 26

40 тартма
Дин
Мәкаләләр


Вакыйга

Май 07

Май 10

Фев 09

Янв 11

Янв 06

Әңгәмәләр
© 2009-2020 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе