Мәүлид бәйрәмен үткәрүнең дөреслегенә унынчы дәлил

“Татар-Ислам” мәгълүмат агентлыгы ТР мөселманнары Диния нәзарәте карамагандагы “Хузур” нәшрияты Мәүлидкә багышлап чыгарган китаптан Мәүлид бәйрәмен үткәрүнең дөреслегенә дәлилләр белән таныштыруны дәвам итә.

БӘЙЛЕ
2016 Дек 13. Фото:Римма Гатина

Унынчы дәлил: Аллаһның рәсүле (аңа Аллаһның рәхмәте һәм сәламе булсын!) җомга көненең үзенчәлекләре һәм фазыйләтләре турында: “Бу көнне Адәм (аңа Аллаһның сәламе булсын!) яратылган”, - дигән.

Моннан шундый нәтиҗә чыгарырга була: әгәр дә бу турыда анык билгеле булса, Аллаһның пәйгамбәрләренең (аларга Аллаһның рәхмәте һәм сәламе булсын!) кайсысы булса да дөньяга килгән көнне Мөхәммәд Пәйгамбәр (аңа Аллаһның рәхмәте һәм сәламе булсын!) зурлаган, олылаган. Ә рәсүлләрнең иң лаеклысы, пәйгамбәрләрнең иң яхшысы – Мөхәммәд Пәйгамбәр (аңа Аллаһның рәхмәте һәм сәламе булсын!) дөньяга килгән көнне ул вакытта ни дәрәҗәдә олыларга кирәк соң?

Мондый олылау бу көнгә генә кагылып калмый, ул алда искә алынган шул җомга көне кебек, алар кабатланган вакытта, шуңа охшашлы истәлекле башка көннәргә дә, шул исәптән Мәүлид көненә дә кагыла. Без мондый көннәрдә пәйгамбәрлекләрнең үзенчәлек һәм өстенлекләрен чагылдырып, элек булып үткән, бар кешелек дөньясы һәм ахирәт өчен әһәмиятле, күренекле вакыйгаларны искә төшереп, Аллаһы Тәгаләгә шул вакыйгалар өчен рәхмәтебезне белдерәбез. Шуңа охшаш рәвештә, Пәйгамбәрнең (аңа Аллаһның рәхмәте һәм сәламе булсын!) туган урынын олылау да бер вакыйгадан башланып киткән. Җәбраил (аңа Аллаһның сәламе булсын!) Вифлеемда (Байтал-Ләхм) ике рәкәагать намаз укырга кушкан һәм аннан: “Син үзеңнең кайда намаз укыганлыгыңны беләсеңме?” - дип сораган. Пәйгамбәр (аңа Аллаһның рәхмәте һәм сәламе булсын!) аңа: “Юк”, - дип җавап биргән. Җәбраил: “Син Вифлеемда Гайсә (аңа Аллаһның сәламе булсын!) пәйгамбәрнең туган урынында намаз укыдың”, - дип дәвам иткән. Бу турыда Шаддад бине Гавасның, әл Баззар, Әбү Ягла һәм Табарани тапшырган хәдисендә бәян ителә. Әл-Хафиз әл-Хайсамий “Мөҗмаг әз-зәваиди” китабында бу хәдисне сахих хәдис диап атый. Шул ук хәдисне әл-Хафиз бине Хәҗәр “Фәтху әл-Барий” китабында да китерә.

Бөек Ислам галиме, дүрт мәзхәб белгече сәед (Пәйгамбәребез Мөхәммәд галәйһиссәләмнең нәселеннән булган), Мәккәдә һәм Мәдинәдә иң зур хөрмәткә лаек булган Шәех Мөхәммәд ибне Галәви әл-Мәлики (1946-2004).


Комментарийны калдырыгыз
avatar

Авг 13
Авг 08
Авг 02
Июл 16
Июл 03
Июн 27
Май 22
Май 18
Май 17
Май 14
Май 14
Май 07
Май 01
Апр 19
Апр 12
Апр 11
Фев 14
Фев 05
Янв 15
Дек 26

40 тартма
Дин
Мәкаләләр


Вакыйга

Май 07

Май 10

Фев 09

Янв 11

Янв 06

Әңгәмәләр
© 2009-2020 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе