Аллаһ Раббыбыз барыбызга да Мөхәммәд (с.г.в.)нең чишмәсеннән су эчәргә насыйп әйләсен - Р.Фәрхетдинов

Быел Болгарда узган Мәүлид бәйрәме тарихка Болгар Ислам академиясе белән бәйле мөһим карарлар кабул ителү белән кереп калырдыр. Монда шунысын әйтеп китәргә кирәк: быел Болгарда узган Мәүлид бәйрәме бик эчтәлекле итеп оештырылган иде. Бәйрәмнең төп өлеше башланганчы, Татарстан мөфтиятенең дәгъват бүлеге җитәкчесе Нияз хәзрәт Сабиров һәм Ак мәчет имамы Руслан хәзрәт Фәрхетдинов Мөхәммәд Пәйгамбәрнең кадерле хосусиятләре турында сөйләп үтте. Безне бу юнәлештә тырышлык күрсәтергә, Пәйгамбәр (с.г.в.)не хакыйкый рәвештә хөрмәт итәргә тиешлегебезне әйтте.

БӘЙЛЕ
2016 Дек 15. Фото:Римма Гатина

"Ак мәчет" имамы Руслан хәзрәт Фәрхетдинов бәйрәмгә килүчеләрне Кәүсәр чишмәсе турындагы хәдис белән таныштырды.

“Менә сез тарихтан беләсез: Мөхәммәд (с.г.в): “Дөреслектә Аллаһ Раббыбыз миңа Кәүсәр чишмәсен насыйп итәчәк, - диде. Һәм мөселманнар шушы чишмәдән су эчәрләр”. “Кыямәт көненең дәһшәтлеге нәрсәсе белән үзенчәлекле? – дип, мөрәҗәгать итте Руслан хәзрәт бәйрәмгә җыелучыларга. - Кояш бик каты кыздырачак. Һәм адәм балалары шушы зур хакыйкый вакыйгадан зур җәфа күрәчәкләр. Кыямәт көнендә башка су булмас. Сахих хәдистә әйтелгәнчә, һәр пәйгамбәрдә су чишмәсе булачак. Ләкин иң зур су чишмәсе - Мөхәммәд (с.г.в.)дә. Кәүсәр сулары бик тәмле. Сөттән дә аппаграк, балдан да тәмлерәк дип әйтелгән монда. Киңлеге дә, зурлыгы да”.

“Пәйгамбәребез (с.г.в.): “Мин бөтенегездән дә беренчерәк үземнең чишмәмә киләчәкмен”, - диде. Шушы чишмә тирәсендә савытлар булачак. Һәм шушы савытлардан гына су эчәчәкләр. Хөрмәтле җәмәгать, барлык кеше дә бу чишмә янына килә алмас. Кызганыч. Менә Аллаһ Раббыбыз барыбызга да Мөхәммәд (с.г.в.)нең чишмәсеннән су эчәргә насыйп әйләсен”, - диде вәгазьләүче.

Әгәр кем дә кем шушы чишмәдән су эчә икән, ул аннан соң беркайчан да сусамас, ди. Җәннәткә кергәч тә, суны ләззәтләнер өчен генә эчәр, ди. “Рәсүлүллаһи (с.г.в.): “Иң беренче булып үземнең чишмәмә килермен, - диде. - Шуннан соң миңа кешеләр – мөселманнар килә башлаячаклар. Мин, кулымны сузып, аларны түргә чакырам гына дигәндә, ике арада киртә барлыкка килер”, - ди.

“Менә шуннан барысын да фикерләгез, - дип, мөрәҗәгать итте залдагыларга Руслан хәзрәт Фәрхетдинов. - Шунда Мөхәммәд (с.г.в.): “И Раббым, бу кешеләр бит - миннән, бу кешеләр бит минем арттан иярделәр, - диячәк. Шуннан Мөхәммәд (с.г.в.)гә: “Син белмисең: алар, син вафат булганнан соң, икенче юлдан киттеләр. Ул кешеләр мөртәт булдылар, диннәреннән кайттылар, күп кенә адашуларга дучар булдылар”, - дип әйтелде.

“Бу хәдисне Имам әл-Бохари һәм Мөслим риваять кылды. Бу хәдисләр бик мөһим”, - дип сүзен тәмамлады Руслан хәзрәт.

Руслан хәзрәт Фәрхетдинов сөйләгәнне Римма Гатина язып алды.


Комментарийны калдырыгыз
avatar

Авг 13
Авг 08
Авг 02
Июл 16
Июл 03
Июн 27
Май 22
Май 18
Май 17
Май 14
Май 14
Май 07
Май 01
Апр 19
Апр 12
Апр 11
Фев 14
Фев 05
Янв 15
Дек 26

40 тартма
Дин
Мәкаләләр


Вакыйга

Май 07

Май 10

Фев 09

Янв 11

Янв 06

Әңгәмәләр
© 2009-2020 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе