Татарстан Президенты Р.Миңнеханов Идел буе Болгар дәүләтендә ислам динен рәсми кабул итү көне уңаеннан мөрәҗәгать белән чыкты

​"Бик күптән, 922 елда ата-бабаларыбыз тарафыннан татар халкының тарихи язмышын билгеләгән һәм мөселман цивилизациясе үсешенә зур йогынты ясаган үтә мөһим карар кабул ителгән. Унбер гасырга якын вакыт узса да, хәзер без янәдән карашыбызны рухыбызга үсеш биргән Борынгы Болгарга юнәлтәбез, Мәрхәмәт һәм Шәфкать иясе Аллаһыга мәдхияләребезне ирештерәбез, тәкъва хакимнәрнең гамәлләрен һәм зирәк дин әһелләренең вәгазьләрен хәтергә төшерәбез", - диелә мөрәҗәгатьтә.

Читайте также
2017 Май 21. Фото:president.tatarstan.ru

Татарстан Республикасы Президенты Р.Н.Миңнехановның Идел буе Болгар дәүләтендә ислам динен рәсми кабул итү көне уңаеннан МӨРӘҖӘГАТЕ

Кадерле татарстанлылар!

Хөрмәтле ватандашлар!

Сезне истәлекле тарихи вакыйга – Идел Болгарстанының Ислам динен рәсми кабул иткән көне уңаеннан котлыйм.

Бик күптән, 922 елда ата-бабаларыбыз тарафыннан татар халкының тарихи язмышын билгеләгән һәм мөселман цивилизациясе үсешенә зур йогынты ясаган үтә мөһим карар кабул ителгән. Унбер гасырга якын вакыт узса да, хәзер без янәдән карашыбызны рухыбызга үсеш биргән Борынгы Болгарга юнәлтәбез, Мәрхәмәт һәм Шәфкать иясе Аллаһыга мәдхияләребезне ирештерәбез, тәкъва хакимнәрнең гамәлләрен һәм зирәк дин әһелләренең вәгазьләрен хәтергә төшерәбез.

Без барыбыз да – Зөя утрау-шәһәрчегендәге православие монастырьлары кебек үк гомумроссия күләмендәге һәм халыкара дәрәҗәдәге туристлык үзәгенә, дин тотучылар гыйбадәт кылу өчен килә торган изге урынга әверелеп баручы Болгарны торгызу эшләренең шаһитлары һәм аларда катнашучылар. Һәммәбез өчен бу – олы мәртәбә.

​«Яңарыш» республика фонды тырышлыгы белән нибарысы бер ел эчендә инде быел көзен беренче шәкертләрен кабул итәчәк гаять зур Болгар ислам академиясе комплексы төзелде. Аны тәмамлап чыгучылар дин гыйлемебезнең бай традицияләрен лаеклы төстә дәвам итәрләр дип ихлас йөрәктән ышанам.

​Мөселман өммәтенең, күпмилләтле халкыбызның бердәмлеге, бик борынгы заманнардан килгәнчә, иминлек һәм муллык, үсеш-алгарышның ныклы нигезен тәшкил итә.

​Сезгә чын күңелдән игелек һәм бәрәкәт, илгә-көнгә тынычлык телим. Барлык изге эш-гамәлләрдә Ходай безне рәхмәтеннән ташламасын!

Татарстан Республикасы Президенты Р.Н. Миңнеханов.

ТР Президенты матбугат хезмәте.


Авг 18
Авг 18
Авг 17
Авг 17
Авг 16
Авг 16
Авг 16
Авг 15
Авг 14
Авг 12
Авг 11
Авг 11
Авг 10
Авг 10
Авг 10
Авг 09
Авг 09
Авг 08
Авг 08
Авг 08

40 тартма
Дин

Комментарийны калдырыгыз
avatar
Мәкаләләр
Вакыйга

Май 10

Фев 09

Янв 11

Янв 06

Дек 19

Дек 14
Әңгәмәләр
© 2009-2016 "Татар Ислам" мэгълумат агентлыгы
Сайтка куелган язмаларга "Ислам info" "Медиа торкеме" ЖЧШ барлык хокукларга ия санала. Материалларны кулланганда гиперсылтама ясау мэжбури. Масса кулэм магълумат чараларында (Роскомнадзор) теркэлу турындагы таныклыгы: ИА № ФС-77-45782 13. 07 2011 ел. Урнаштырылган материал 18+. т.(843) 258-15-19
Сайтлар ясау хэм сайт белэн идарэ иту "Ариф" студиясе