Конкурста катнашучыларны өч төп критерий - Изге Коръәнне яттан белү, авазларны дөрес әйтү (мәхраҗ) һәм Коръәнне кагыйдәләрне үтәп уку (тәҗвид) буенча бәяләячәкләр.
Мәртәбәле халыкара бәйгедә Татарстан исеменнән Россия ислам инситуты, “Ярдәм” фонды карамагындагы Коръән өйрәнү мәркәзе шәкертләре, “Рәшидә” үзәге укытучылары катнаша. Илнур хәзрәт Хәйруллин сүзләренчә, Татарстан шәкертләренә иң мөһиме – бәйгедә үзеңне күрсәтү һәм бәяләп бетергесез тәҗрибә алу.
Халыкара бәйге 26 апрельгә кадәр дәвам итәчәк. Бу хакта Татарстан мөфтияте матбугат хезмәте хәбәр итә.