“Без дә оештык бит әле. Красноярск төбәгендә “Женщина” дигән Ислам мәдәнияте клубы – иҗтимагый оешмасы оештырдык, - дип сөйләде әңгәмәдәшем. - СССР Конституциясе урамында урнаштык. Оешмага иллеләп кеше йөри. Оялчанрак яшьләр үз өемә дә киләләр. Менә алар – Юлия Сәмигуллина, мәфтүнә Ухтамова, рәмзия Шаһиәхмәтова. Ислам динен нигезләрен бик тырышып үзләштерәләр, ихласлар”.
Абыстай белән якыннанрак танышыйк әле. Рәисә Гали кызы Сафина – химия фәннәре кандидаты. Кырык ел буе Себер федераль университетында укыткан. Хәзер дә экология буенча белем бирә. Рәисә ханымның әнисе Әминә Сөләйманова Иж Бубидан булган. Әтисе – Гали Сабир улы Сафин. Ике яктан да акыллы нәселлеләр. Ире исә Ирек Хөсәен улы Тукаев. Шулай ук – мәгърифәтлеләрдән. Хикмәтле Тукаевлар нәселеннән.
Әңгәмәбездә кыз балаларны да, ир балаларны да тормыш корырлык итеп тәрбияләү хакында сөйләштек. Өйдә әниләр, дәү әниләр, әбиләр әдәп-әхлак тәрбиясен исләреннән исләреннән чыгармасын иде. Бүгенге көннәрдә бу бигрәк тә мөһим. Буыннар чылбырын өзмисе иде. Барыбыз өчен дә гаилә тәрбиясе мөһим булып кала бирә.
Әлмира Һәдия.