"Сөембикә энеләре һәм сеңелләре" бәйгесенә ел саен өч сарык чалына

“Изгелеккә өйрәтүче һәркемгә, хәтта диңгездәге балыкларга да ярлыкану сорар” (Хәдис). Хәзер бездә бөтен матбугат чараларында да мәгарифне үстерик, динне , телне, гореф-гадәтләребезне, мирасыбызны саклыйк дип тәкърарлыйлар? Әмма сүз белән нәрсәгә ирешәбез соң? Сүз дә юк, һәрберебезнең хәәерле гамәл кылуы сорала. Милләтебездә, дин кардәшләребез арасында андыйлар бар, Аллаһка шөкер!

БӘЙЛЕ
2016 Ноя 02. Фото:islampl.tw1.ru/

Шундыйларның берсе – Наҗия Миңнулла кызы Хәйруллина. Кем соң бу ханым? Озак еллар намуслы хезмәттә булган ул. Кешеләргә ярдәм итүне өстен күргән. Бу сыйфат аның көндәлек җан таләбенә әйләнгән.

Без балаларның "Сөембикә энеләре һәм сеңелләре" конкурсына хәзерләнеп йөри идек. Мәрҗани мәчете янында мәрхәмәтле йөзле бер ханым туктатты да: “Сезгә нинди ярдәм кирәк?” – дип сорады. Ә безгә ярдәм бик кирәк. Балаларга бүләкләр бирергә дә, күңелләрен күрергә дә, соңыннан аларны ризык белән сыйларга да кирәк. Бу хакта ханымга әйттем. Ул: “Сарык чалып, хәләл ит китерсәм, ничек булыр?” – диде. Бу ханым Наҗия Миңнулла кызы иде. Наҗия ханым, һәр елны сарык чалып, балаларны сыйлый. Безнең әдәп-әхлаклы булу һәм дөрес итеп Коръән уку бәйгесенә ничә еллар инде өч сарык чалып китерә. Бөтенроссия бәйгесенә әйләнгән чарага Россия төбәкләреннән меңгә якын бала килә. Наҗия ханым: “Киләсенә дә ярдәм итәрмен”, - дип тора. Әйе, күпме савап ява Наҗия ханымга. Без моңа бик сөенәбез. Үзенә бәхет-сәгадәт, сәламәтлек телибез.

Наҗия ханым бу көннәрдә Коръән мәҗлесе уздырды. Галинур хәзрәт Коръән укыды, вәгазь сөйләде. Ислам динебезнең нигезләрен , Коръән уку, намаз уку хикмәтләрен дә аңлатты. Динсезлекнең, ваемсызлыкның, томаналыкның, дини наданлыкның аяныч хәлләргә китерүен дә әйтте. Вәгазьләнү кичәсе булды ул. Һәр сүзе күңелдә тамырланды. Мондыйлар булуга күңел сөенә. Изгелекләр эшләргә юл ачык!

Ә.Һәдия.

Комментарийны калдырыгыз
avatar

Янв 13
Янв 09
Ноя 22
Окт 12
Сен 12
Сен 06
Сен 06
Сен 02
Авг 29
Июл 05
Июн 21
Май 24
Май 20
Май 19
Май 19
Май 14
Май 14
Май 13
Май 12
Май 12

40 тартма
Дин
Мәкаләләр


Вакыйга

Әңгәмәләр
© 2009-2023 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе