Казанда Коръәннең хәрби тема белән бәйле аятьләрен заманча тәфсир кылуга багышланган халыкара җыен уза

Казанда 28 сентябрьдә “Изге Коръәннең элекке һәм хәзерге аңлатмасы (тәфсире): “Коръәннең хәрби тема белән бәйле аятьләрен заманча тәфсир кылу” дигән II Халыкара ислам конференциясе уза.Конференцияне Татарстан Республикасы Коръәнне һәм сөннәтне өйрәнү үзәге ТР мөселманнары Диния нәзарәте ярдәмендә оештыра.

БӘЙЛЕ
2016 Сен 26. Фото:dumrt.ru

“Коръәннең хәрби тема белән бәйле аятьләрен заманча тәфсир кылу” дигән конференция - “Изге Коръән һәм сөннәт нурында радикализмны һәм терроризмны булдырмый калу” шигаре белән 2015 елда узган “Үткәндә һәм хәзерге заманда Изге Коръәнне тәфсир итү” I Халыкара ислам конференциясенең мантыйкый дәвамы.

Конференцияне үткәрүнең максаты Коръәндә язылган хакыйкатькә таянып, мөселман җәмгыятенә радикализмга һәм террорлыкка каршы рекомендацияләр эшләп бирүдән гыйбарәт. Чарада Россия һәм чит илләрдән дөньяви галимнәр һәм дин белгечләре мөселман дөньясының төрле төбәкләрендә радикаль фикерләрнең таралышы хакында сөйләшәчәкләр. Дини шигарьләр астында террорлык күренешләре барлыкка килү сәбәпләре һәм бу күренешләрнең мөселманнар өммәтенә йогынтысы, аңа каршы тору хакында фикер алышачаклар. Коръәннең хәрби тема белән бәйле аятьләрен хәзерге вакытта дөрес итеп тәфсир кылу һәм аларны мөселман җәмгыятендә популярлаштыру яшь буынны радикаль агымнардан саклап калуның нәтиҗәле ысулы, дип хәбәр итә Татарстан мөфтиятенең матбугат хезмәте.

Сөйләшүдә Россия, Гыйрак, Ливан, Мисыр шәехләре, докторлар, профессорлар, мөгаллимнәр катнашуы көтелә. Халыкара чарада катнашырга теләк белдерүчеләрнең күбесе мөселман өммәтен борчыган проблемаларның шаһитлары булган шәхесләр.

Конференция кысаларында лекцияләр уздыру, Болгарга сәяхәт, Казан буйлап экскурсия, Россия ислам институты һәм башка дини уку йортлары эшчәнлеге белән танышу, КФУның һәм ТР Милли китапханәсенең сирәк кулъязмалар бүлегендә булу һәм башка чаралар уздыру каралган.


Комментарийны калдырыгыз
avatar

Авг 13
Авг 08
Авг 02
Июл 16
Июл 03
Июн 27
Май 22
Май 18
Май 17
Май 14
Май 14
Май 07
Май 01
Апр 19
Апр 12
Апр 11
Фев 14
Фев 05
Янв 15
Дек 26

40 тартма
Дин
Мәкаләләр


Вакыйга

Май 07

Май 10

Фев 09

Янв 11

Янв 06

Әңгәмәләр
© 2009-2020 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе