Рәфыйк Мөхәммәтшин: "Татарларда Мәүлид бәйрәме традицияләре бик көчле булган"

Ректор билгеләп үткәнчә, татарларда чыннан да Мәүлид бәйрәменең традицияләре бик көчле булган. Элек ул нигездә өйдә узган. Күбрәк анда хатын-кызлар катнашкан. Аның үз тәртибе, үз сценарие булган.

БӘЙЛЕ
2017 Ноя 29. Фото:tatar-inform.tatar

"Татарларда Мәүлид бәйрәменең традицияләре бик көчле булган", - ди Болгар ислам академиясе ректоры Рәфыйк Мөхәммәтшин. Дөрес: элек, аның сүзләренчә, бу бәйрәм башкачарак билгеләп үтелгән. Бу хакта ул Болгар ислам академиясендә Мәүлид бәйрәменең төп тантанасы башланыр алдыннан сөйләде.

Быел Мәүлид бәйрәме беренче тапкыр Болгар ислам академиясендә уздырыла. Пәйгамбәребез Мөхәммәд салләллаһу галәйһи вә сәлләмнең туган көне уңаеннан үткәрелгән бу бәйрәм узган елларда Ак мәчеттә уздырылып килде.

"Болгар академиясе төзелеп бетеп, ул эшли башлагач, Мәүлидне биредә уздырырга булдык. Ак мәчеткә караганда монда кунакларны сыйдыру мөмкинлеге дә зуррак. Залда 700гә якын кешене җыярга мөмкин, вәгазьләрне утырып тыңлау мөмкинлекләре дә бар. Шуңа быел беренче мәртәбә ул Болгар ислам академиясе бинасында уза. Татарстан Диния нәзарәте Мәүлид бәйрәмен уздыру буенча зур эш алып бара. Бөтен мәчетләр хәзер Мәүлид бәйрәмен үткәрә. Чөнки бу татар халкының бик мөһим традицияләренең берсе", – ди Рәфыйк Мөхәммәтшин.

Ректор билгеләп үткәнчә, татарларда чыннан да Мәүлид бәйрәменең традицияләре бик көчле булган. Элек ул нигездә өйдә узган. Күбрәк анда хатын-кызлар катнашкан. Аның үз тәртибе, үз сценарие булган.

"Хәзер ул традицияләрне торгызу турында хыялларым бар. Элеккеге рәвештә аның әлегә кадәр торгызылганы юк. Бүген үл мәчетләрдә уздырыла, билгеле. Әмма үзебездә ничек кабул ителгән – шулай уздырсак, тагын да күңеллерәк булыр иде", – дип хыяллары белән уртаклашты ректор.

Бәйрәм башында Төркиянең танылган Коръән хафизы Исхак Даныш Коръән укыды. Кунакларны һәм бәйрәмдә катнашучыларны Баш мөфти Тәлгат хәзрәт Таҗетдин сәламләде дип хәбәр итә "Татар-информ" МА .


Комментарийны калдырыгыз
avatar

Янв 13
Янв 09
Ноя 22
Окт 12
Сен 12
Сен 06
Сен 06
Сен 02
Авг 29
Июл 05
Июн 21
Май 24
Май 20
Май 19
Май 19
Май 14
Май 14
Май 13
Май 12
Май 12

40 тартма
Дин
Мәкаләләр


Вакыйга

Әңгәмәләр
© 2009-2024 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе