Кызганыч: имамнарыбыз "Фатиха"да да уннан артык хата җибәрә" - Татарстан мөфтие

"Бүген Вознесение бистәсендәге махсус үзәктә Идел буе федераль округы дин әһелләренең квалификациясен күтәрү курслары башланды. Мин тыңлаучыларны сәламләдем һәм үземнең үгет-нәсыйхәтләремне җиткердем. Биредә уку-укыту өчен барлык уңай шартлар тудырылган", - дип хәбәр итте Татарстан мөфтие Камил хәзрәт Сәмигуллин үзенең аккаунтында.Бу юлы укуларга Апас, Яңа Чишмә һәм Казан имамнары килде.

Читайте также
2016 Сен 22. Фото:dumrt.ru

Камил хәзрәт Сәмигуллин үз чыгышында: "Дүшәмбе көнне генә олуг хаҗ сәфәреннән кайттым. Мәккәдә вакытта биредәге галимнәр турында бик кызыклы китап таптым. Шул китапта 5 җирдә безнең татар галимнәребез олуг дин ияләре буларак искә алына. Анда Мәрҗани хәзрәтебез дә, Мөхәммәд Рәмзи дә һәм башкалар да бар. Ә хәзер нәрсә?! 3-4 ел элек бер чит ил галиме, Коръән-хафиз безнең якларга килде. Рамазан аенда ул ахшам намазына Казанның бер мәчетенә кергән. Рәсми имамыбыз намаз укыта һәм намаздан чыккач, бу галим сорый: "Бу хәзрәт нәрсә укыды? Ул укыган нәрсә Пәйгамбәребезгә иңдергән Коръән түгел", - дип белдерә чит ил кунагы. Димәк, ул шул хәтле хаталы рәвештә укыды дигән сүз. Бу бит даныбызны төшерә. Элек безнең бабаларыбыз Мәккәгә барып дәрес укыта иде, ә хәзер без, намазга басып, гарәпләр бер сүз әйтмәсен дип, намаз укыта алмыйбыз. Менә нинди хәлгә төштек, шуңа күрә мондый курслар кирәк безгә. Иң мөһиме өч юнәлеш: фикъһ, гакыйдә һәм дөрес итеп Коръән уку (тиләвәт). Нинди генә сурә булса да, дөрес итеп укыгыз аны! Кызганыч: имамнарыбыз "Фатиха"да да уннан артык хата җибәрә", - дип сөйләде.

Мөфти Камил хәзрәт имамнарга хәнәфи мәзһәбенә кагылышлы һәм бу юнәлештә аеруча зур сорау тудырган мәсьәләләр турында лекция дә укыды. Галиев мәчетендә ислам фәннәре буенча, шул исәптән "Аллаһ илчесенең намазы" исеме белән дәресләр циклы башлануын да хәбәр итте.

Мөфти урынбасары Рәфыйк Мөхәммәтшин: "Төп максатыбыз - дин әһелләренең белем дәрәҗәсен арттыру, чөнки мәчеттә эшләү - зур хезмәт. Мәчеткә төрле кеше йөри, сораулары да төрле була, Бу очракта имам кеше төрле яклап белем белән коралланган булырга тиеш. Һәрвакыт үзеңне камилләштерү ягын карарга кирәк", - диде Рәфыйк Мөхәммәтшин.

Әлеге курслар 2011 елдан бирле уңышлы эшләп килә. 2013 елдан башлап биредә Идел буе федераль округының төрле почмакларыннан да дин әһелләре килә башлады. Биш ел дәвамында меңгә якын имам белемен арттырды.

ТР мөселманнары Диния нәзарәте матбугат хезмәте.


Авг 13
Авг 08
Авг 02
Июл 16
Июл 03
Июн 27
Май 22
Май 18
Май 17
Май 14
Май 14
Май 07
Май 01
Апр 19
Апр 12
Апр 11
Фев 14
Фев 05
Янв 15
Дек 26

40 тартма
Дин

Комментарийны калдырыгыз
avatar
Мәкаләләр
Вакыйга

Май 07

Май 10

Фев 09

Янв 11

Янв 06

Дек 19
Әңгәмәләр
© 2009-2016 "Татар Ислам" мэгълумат агентлыгы
Сайтка куелган язмаларга «Ислам info» «Медиа торкеме» ЖЧШ барлык хокукларга ия санала. Материалларны кулланганда гиперсылтама ясау мэжбури. Масса кулэм магълумат чараларында (Роскомнадзор) теркэлу турындагы таныклыгы: ИА № ФС-77-45782 13. 07 2011 ел. Урнаштырылган материал 18+. т.(843) 258-15-19
Сайтлар ясау хэм сайт белэн идарэ иту «Ариф» студиясе