Казанда ислам дисциплиналары һәм гарәп теле буенча бөтенроссия олимпиадасы тәмамланды (җиңүчеләр ИСЕМЛЕГЕ)

14-15 декабрьдә Россия ислам институты тугызынчы мәртәбә ислам дисциплиналары һәм гарәп теле буенча бөтенроссия олимпиадасын уздырды. 15 декабрьдә әлеге олимпиаданы ябу чарасы үткәрелде. Бу тантаналы чарада ТР мөселманнары Диния нәзарәте рәисе урынбасары, Россия ислам институты ректоры Рәфыйк Мөхәммәтшин, ТР мөселманнары Диния нәзарәтенең фән һәм мәгариф бүлеге җитәкчесе Айдар Карибуллин һәм башкалар катнашты.

БӘЙЛЕ
2016 Дек 16. Фото:dumrt.ru

Олимпиадада катнашучыларны мөфти урынбасары, РИИ ректоры Рәфыйк Мөхәммәтшин сәламләде һәм уңышлар теләде. “Бу олимпиаданы оештыру бик мөһим. Төрле уку йортлары шәкертләре үзара ярышсын, аралашсын, гыйлемнәрен чагыштырсын өчен кирәк ул. Киләсе елларда да шушындый олимпиадалар оештырырбыз дип уйлыйм. Кемнәр беләндер бәлки остаз буларак та очрашырга туры килер. Динебез өчен бергәләп эшләүне телим. Динебезгә кагылышлы дөрес гыйлем таратырга язсын!” - диде ул.

ТР мөселманнары Диния нәзарәтенең фән һәм мәгариф бүлеге җитәкчесе Айдар Карибуллин Татарстан мөфтиенең махсус призын тапшырды. Әлеге бүләк Кырым мөселманнары Диния нәзарәте мәдрәсәсе шәкерте Ридван Асановка бирелде. Ул мәдрәсә шәкертләре арасында “Ислам нигезләре” номинациясендә катнашты.

Олимпиада 4 номинация буенча язма тест биремнәре формасында уздырылды. Моннан тыш, гарәп теле бәйгесендә катнашучылар – гарәп телен ничек белүләрен, ислам дисциплиналары буенча бәйгедә катнашучылар Коръәнне тәҗвид кагыйдәләренә туры китереп, дөрес итеп укып күрсәтергә тиешләр иде.

Олимпиадада Татарстан, Башкортостан, Дагыстан, Чечня, Ингушетия, Кабарда-Балкарии, Мордовия, Карачай-Черкесия, Мәскәү, Түбән Новгород һәм башка шәһәрләрдән мөселман уку йортлары студентлары катнашты.

Олимпиадада алдынгы урыннарны алучыларның барысына да кыйммәтле бүләкләр тапшырылды.

“Ислам хокукы”:

1.Наҗибулои Эмом (Казан ислам университеты);

2.Омаров Мөслим (Дагыстан гуманитар институты);

3.Ибраһимов Магомед (Кунт Хаҗи исемендәге Россия ислам университеты).

“Гарәп теле” номинациясе:

1.Исламов Харун (Кунт Хаҗи исемендәге Россия ислам университеты);

2.Корбанов Мөхәммәтгали (Казан ислам университеты);

3.Сабуров Зурәбәк («Мөхәммәдия»).

“Ислам дисциплиналары ” номинациясе:

1.Сәфәров Исломудин (Мәрьям Солтанова исемендәге Ислам колледжы);

2.Пятаев Салават (Әлмәтнең Р.Фәхреддин исемендәге ислам мәдрәсәсе);

3.Сайпудинов Магомед (Шәех Мөхәммәд-Ариф исемендәге Дагыстан ислам университеты карамагындагы мәдрәсә).

“Дин нигезләре” номинациясе:

1.Ахаев Ризван (Кунт Хаҗи исемендәге Россия ислам университеты);

2.Гадиев Насретдин (Ингушетиянең Хәмәтхан хаҗи Барзиев исемендәге ислам университеты);

3.Таһиров Рамазан (Дагыстан гуманитар институты).

Татарстан мөфтияте матбугат хезмәте белән берлектә Римма Гатина.


Комментарийны калдырыгыз
avatar

Авг 13
Авг 08
Авг 02
Июл 16
Июл 03
Июн 27
Май 22
Май 18
Май 17
Май 14
Май 14
Май 07
Май 01
Апр 19
Апр 12
Апр 11
Фев 14
Фев 05
Янв 15
Дек 26

40 тартма
Дин
Мәкаләләр


Вакыйга

Май 07

Май 10

Фев 09

Янв 11

Янв 06

Әңгәмәләр
© 2009-2020 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе