Бары тик динебез генә кешеләрне фәрештәләр дәрәҗәсенә күтәрә ала - Татарстан мөфтие

17-18 ноябрьдә Казанда «Россия һәм ислам дөньясы: экстремистик хәрәкәтнең глобальләшүенә җавап эзләү» дип аталган халыкара фәнни-гамәли конференция уздырыла. Бүген Татарстан мөфтие Камил хәзрәт Сәмигуллин әлеге чараның пленар утырышында катнашты һәм чыгыш ясады.

БӘЙЛЕ
2016 Ноя 17. Фото:dumrt.ru

"Ислам – дөнья күләмендә үсешкә ия дин буларак, фән эшлеклеләре, динне өйрәнүчеләр, сәясәтчеләрнең игътибар үзәгендә. Бүгенге көндә дөньяда 1,5 миллиард мөселман яши, бу - Җир йөзендә яшәүче бар халыкның 23 %ы, - диде мөфти. - Исламның бөтен дөньяга таралуы, шул исәптән Европа берлегенә керүче илләрдә һәм элекеге СССР республикаларында диннең кире кайтуы – болар барысы дин үсешенә кагылышлы сорауларны иң актуаль глобаль сәяси проблемаларның берсенә әйләндерә. Сәясәтчеләр юкка гына кайда масса - шунда сәясәт дип әйтмиләрдер.

Шуны да әйтергә кирәк: дини факторларның тормышыбызга, сәясәткә, халыкара мөнәсәбәтләргә кайтуы, бер яктан, буыннар арасындагы милли-мәдәни бәйләнешне торгызды. Икенче яктан, җәмгыятьтә радикаль карашлар таралды, дәүләткә һәм җәмгыятькә каршы күренешләр барлыкка килде. Глобаль куркыныч буларак, ДАИШны атарга мөмкин.

Әле 14 гасыр элек үк Ислам кешелек дөньясын берләшергә чакырды. Аллаһка ышану, инану - XXI гасырда котылу юлы, бары тик динебез генә кешеләрне фәрештәләр дәрәҗәсенә күтәрә ала, мәрхәмәтлелеккә, сабырлыкка, бер-беребезне хөрмәт итәргә, тыныч яшәргә өйрәтә. Динебез беренче карашка капма-каршы булган әйберләрне берләштерә: дин – фән, дөньяви тормыш - ахирәт, матди – рухи, җан – тән.

Конференция эскстремистик хәрәкәтләрнең ни өчен таралуын һәм бүгенге мөселманнарның проблемаларын фәнни-теоретик яктан аңларга ярдәм итә. Дин әһелләренең, фән эшлеклеләренең, дәүләт органнарының бер көч булып берләшүе бүгенге проблемаларны чишәргә ярдәм итә", - диде ул.

Конференция кысаларында «Якын Көнчыгышта һәм дөньяның башка регионнарында дини радикализм чагылышы», "Россиядә һәм БДБ илләрендә дини экстремизм», «Дини экстремизмга каршы профилактика тәҗрибәсе» һәм башка темаларга секцияләр, түгәрәк өстәлләр уздырыла.

Шулай ук чарада Россия ислам университеты ректоры, мөфти урынбасары, Фәннәр Академиясе мөхбир әгъзасы Рәфыйк Мөхәммәтшин, мөфтинең беренче урынбасары Рөстәм хәзрәт Батров, Казан ислам институтының дини дисциплиналар кафедрасы мөдире, тарих фәннәре кандидаты, доцент, Казанның баш казые Габдулла хәзрәт Әдһәмов һәм башка дин әһелләре, дин белгечләре катнаша, дип хәбәр итә Татарстан мөфтиятенең матбугат хезмәте.


Комментарийны калдырыгыз
avatar

Авг 13
Авг 08
Авг 02
Июл 16
Июл 03
Июн 27
Май 22
Май 18
Май 17
Май 14
Май 14
Май 07
Май 01
Апр 19
Апр 12
Апр 11
Фев 14
Фев 05
Янв 15
Дек 26

40 тартма
Дин
Мәкаләләр


Вакыйга

Май 07

Май 10

Фев 09

Янв 11

Янв 06

Әңгәмәләр
© 2009-2020 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе