Чаллыда "Туфан" мәчетендә "түгәрәк өстәл" утырышында мәчеттә үз-үзеңне тоту турында сөйләштеләр

Чаллыдагы “Туфан” мәчетенең якшәмбе мәктәбендә дин дәресләре алучылар арасында тәҗвид һәм фикһ фәннәре буенча викторина үткәрелде. Чарада барлыгы алтмышка якын кеше катнашты. Укучылар сорауларга язма рәвештә җавап бирделәр. Мәчет каршында беренче ел укучы хатын-кызлар төркемендә 32 кеше үз белемнәрен сынадылар.

БӘЙЛЕ
2017 Апр 04. Фото:islamtatar.ru

Алар арасында иң яхшылар дип Тәскирә Баһавиева, ә икенче ел укучылар арасында Хафизә ханым табылды. Беренче ел укучы ирләр арасында - Тәүзих Гыйльманов, икенче ел укучылар арасында Салих Гатауллин иң гыйлемлеләр булды. Викторина нәтиҗәләре буенча беренчелекне яулаучыларга бүләк итеп дини әдәбият һәм намазлыклар тапшырылды.

Бәйгедә катнашучылар өчен аш мәҗлесе дә үткәрелде. Аның барышында вәгазьләр сөйләнде, укытучыларга бүләкләр тапшырылды, "түгәрәк өстәл" артында мәчеттә үз-үзеңне тоту буенча фикер алышынды. Мәчет имам-хатыйбы, Чаллы мөхтәсибәте Аксакаллары шурасы рәисе Равил хәзрәт Нуруллин мондый чараларның мәчет әһелләрен дуслаштыруы, рухи яктан бер-берләренә якынайтуы турында билгеләп үтте.

“Туфан” мәчетендә якшәмбе укулары 23 апрельгә кадәр дәвам итәчәк. Дәресләр, атнаның пәнҗешәмбе көненнән кала, һәр көнне алып барыла. Алар биш уку залында шөгыльләнә, дини белемне 10 мөгаллим бирә, дип хәбәр итәләр мөхтәсибәттән.


Комментарийны калдырыгыз
avatar

Июл 01
Июн 25
Июн 17
Авг 13
Авг 08
Авг 02
Июл 16
Июл 03
Июн 27
Май 22
Май 18
Май 17
Май 14
Май 14
Май 07
Май 01
Апр 19
Апр 12
Апр 11
Фев 14

40 тартма
Дин
Мәкаләләр


Вакыйга

Май 07

Май 10

Фев 09

Янв 11

Янв 06

Әңгәмәләр
© 2009-2020 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе