Буа районы Яңа Суыксу авылында мәчет ачылышына 20 ел тулу уңаеннан тантана уздырды. Әлеге чарада мәхәллә имамы Харис хәзрәт Җамалетдинов, имам-мөхтәсибе Илмир хәзрәт Хәсәнов, Ислам динен кабул итүгә 1000 ел исемендәге мәдрәсә җитәкчесе Ильяс хәзрәт Җиһаншин, Буа мәдрәсәсе ректоры Рәшит хәзрәт Маликов һәм башка мәчет имамнары катнашты.
Чара мөхтәсиб Илмир хәзрәтнең Коръән укуы белән башланып китте. Харис хәзрәт мәчетнең тарихын сөйләде, 20 ел дәвамында мәчеткә ярдәм иткән һәрбер кешегә рәхмәтен белдерде. Бәйрәм тантанасы рәхмәт хатлары тарату һәм башка кунакларның чыгышлары белән дәвам итте.
Чыганак: Татарстан Диния нәзарәте матбугат хезмәте