Өстемнән йөк төште...

Безнең йортта күрше подъездда гына Гөлсинә апа яши. Берүзе ул, япа-алгыз, ире күптән үлгән, балалары юк. Гөлсинә апа беркая чыгып йөрми. Бик күптән инде булса кирәк, аны машина бәрдереп киткән, ул озак кына хастаханәдә яткан...

БӘЙЛЕ
2023 Май 31. Фото:

Шуннан бирле аның гәүдәсе сүтеп җыйган кебек: аяклары “тыңламый” – елдан-ел хәле начарлана бара. Көннәр матур торганда, Гөлсинә апа авыр гына атлап подъезд төбендәге урындыкка чыгып утыра.

Гөлсинә апа белән сөйләшүдән шул аңлашыла: үзе анда-монда бара алмагач, аңа азак-төлекне социаль тәэминат бүлегендә эшләүче бер ханым алып килә икән, фатирда да ул җыештырына, ди.

Хәле бик шәптән булмаса да, Гөлсинә апа үз-үзен бик карап тора. Чәчләрен бөдрәләтеп һәм буятып кайту җаен таба. Алдан ук машина белешеп, күршеләре белән сөйләшеп куя.

Күршебез бик авырдан сөйләшә, кайбер сүзләрен аңлап та булмый. Әмма һәрвакыт күтәренке кәефтә, ачык йөзле булыр. “Ания сеңлем, хәлләрең ничек? Сәламәтлекләр әйбәтме?” – дип сорап, синең дә кәефеңне күтәреп җибәрер, гаиләбездәге һәр кешегә сәламен дә юллар.

Кибеткә барганда, мин аның гел подъезд төбендәге утыргычта утырганын күрәм. “Гөлсинә апа, сезгә кибеттән нәрсә алып кайтыйм?” – дип сорамыйча узып китмим. Барган саен диярлек ул 5 литрлы эчә торган су алып кайтуымны сорый. Миңа нәрсә: алам да кайтам. Әмма, суны күтәреп, фатирына менгән саен аптырап төшәм. Аптырамаслык та түгел: 5 литрлы су баллоннары белән аның ярты кухнясы тулган була. Бер кырыклап шешә бардыр. Үземнекен дә шулар янына куям да “Гөлсинә апага ярдәм иттем, ахрысы” дигән уй белән кире төшәм.

Ярты кухняны тутырып торган су баллоннары озак кына күз алдымнан китмәде. Күңелне нәрсәдер тырнап торды шунда, аңламассың... Мин ул турыда бик уйларга да тырышмасам да, вакыт-вакыт искә төшеп куя иде. Сөекле Пәйгамбәребезнең "Сезгә Аллаһның ярдәме мөмкинлекләре чикле булган кешеләр аша килер” дигән хәдисен эчемнән генә кабатлап йөрдем

Ә кичә... кичә мин хакыйкатьне ачтым. Шулай итеп Гөлсинә апа кышны каршы алырга әзерләнә икән бит! Кыш көне бит ул өеннән чыкмый, таеп егылып, аяк-кулларын сындырудан курка.

Өстемнән тау төште, диярсең...

Ания Әхмәдиева.


Комментарийны калдырыгыз

Янв 13
Янв 09
Ноя 22
Окт 12
Сен 12
Сен 06
Сен 06
Сен 02
Авг 29
Июл 05
Июн 21
Май 24
Май 20
Май 19
Май 19
Май 14
Май 14
Май 13
Май 12
Май 12

40 тартма
Дин
Мәкаләләр


Вакыйга

Әңгәмәләр
© 2009-2024 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе