Мәүлид кысаларында бәйрәм белән тәбрикләү, дин әһелләренең догалар укуы, салаватлар әйтү, нәшидләр, мөнәҗәтләр башкару, ислам тарихы буенча викторина көтелә.
2016 елның 30 ноябрендә мөселман календаре буенча өченче ай – Рәбигыләүвәл ае башланды. Сөекле Пәйгамбәребезнең туган көне рәбигыләүвәл аеның 12 нче көненә туры килә. Рабигыләүвәл аенда мәчетләрдә Пәйгамбәребез турында вәгазьләр укыла, мөселманнар өйләрендә мәҗлесләр үткәрәләр, мохтаҗларга ярдәм итәләр, сәдакалар өләшәләр.