Лагерьне тантаналы ябу вакытында урынбасары “Ярдәм” күрмәүче мөселманнарны укыту-тернәкләндерү үзәге мөдире ярдәмчесе Алинә Хәкимҗанова мөгаллимнәргә – Рәхмәт хатлары, кызларга истәлекле бүләкләр тапшырды. Кызларны һәм аларның туганнарын, дусларын рухи үзәккә кабат чакырды. “Безнең лагерь сезгә ошадымы?” дигән сорауга балалар бертавыштан: “Әйе!!!” – дип җавап бирде.
“Монда үзләштергән белемнәрегез тормышыгызга бәрәкәт китерсен. Сез монда файдалы белемнәр һәм тәрбия алып кына калмадыгыз, бер-берегез белән таныштыгыз да, аралаштыгыз да. Мәчеттә белем алу - сезнең өчен Аллаһы Тәгаләнең рәхмәте ул”, - диде Алинә Хәкимҗанова.
Рухи үзәктә унлап кыз бала Изге Коръәнне тәҗвид кагыйләренә нигезләнеп укырга өйрәнде һәм Исламда хатын-кызның бурыч-максатларына төшенде. Программага әдәп-әхлак, ислам нигезләре, сира һәм башка дини дисциплиналар кертелгән иде. Кызлар укуларын имтихан белән тәмамлады.
Лагерь 15 августтан 25 августка кадәр эшләде.
Римма Гатина.