Балтач районының Борнак авылы мәчетендә лагерьга йөрүчеләр "Ярдәм" мәчетендә Франциядән Гыймран Шибугаев белән танышты

Бүген "Ярдәм" мәчете һәм бер үк исемдәге укыту-тернәкләндерү үзәгендә Резедә Габделәхәтова җитәкчелегендә Балтач районының Борнак авылы мәчетендә лагерьга йөрүче малай-кызлар экскурсиядә булып китте.

БӘЙЛЕ
2016 Авг 11

Балалар, Франциядән, Казанга килеп, "Ярдәм" мәчетенең Коръән хафизлар әзерләү бүлегендә гыйлем туплаучы Гыймран Шибугаев белән танышты.

Үз яшьтәшләре булган Гыймранның, күзләре күрмәвенә карамастан, Коръәннең 17 җүзен яттан белүенә, Изге китапны Луи Брайль системасында тәҗвид кагыйдәләре белән зур тизлектә укуына яшүсмерләр шаккатты, аның укуын, тын да алмыйча, сокланып тыңлады. Гыймран 2016 ел башында Пермьдә узган Коръән укучылар бәйгесендә икенче урын алган иде.

Балалар барлык сыйныф бүлмәләре белән җентекләп, бик кызыксынып танышты. Аларны "сөйләшә торган" лифт җәлеп итте, ә инде уен бүлмәсенә кергәч, бигрәк нык шатландылар һәм уенга бирелделәр.

Экскурсия азагында һәр балага нәни генә бүләкләр тапшырылды, "Ярдәм" мәчете имамы ярдәмчесе Рафис Мингәрәев белән очрашу оештырылды.

Лилия Сәләхетдинова.


Комментарийны калдырыгыз
avatar

Авг 13
Авг 08
Авг 02
Июл 16
Июл 03
Июн 27
Май 22
Май 18
Май 17
Май 14
Май 14
Май 07
Май 01
Апр 19
Апр 12
Апр 11
Фев 14
Фев 05
Янв 15
Дек 26

40 тартма
Дин
Мәкаләләр


Вакыйга

Май 07

Май 10

Фев 09

Янв 11

Янв 06

Әңгәмәләр
© 2009-2020 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе