“Ярдәм” мәчете җәмгыятебезнең бөтен катламнарын – ир-атларны да, хатын-кызларны да, балаларны да, шулай ук мөмкинлекләре чикләнгән кешеләрне дә игътибар үзәгендә тотарга тырыша. Россиядә сентябрь ае мәктәпләрдә һәм вузларда яңа уку елы башлану, шулай ук мәчетләр каршында оештырылган якшәмбе курсларында уку дәвам ителү белән билгеле.
Бу ел да искәрмә түгел. Белемле укытучылар һәм “Ярдәм” мәчетенең зур аудиторияләре Ислам нигезләрен һәм Коръәнне гарәп телендә өйрәнергә теләүчеләрне көтеп кала.
Коръәнне гарәп телендә укуның савабы бик зур. Имам Тирмизи җиткергән хәдисләр җыентыгында түбәндәге хәдис китерелә. Ибн Мәсгуд сүзләреннән болай дип хәбәр ителә. Аллаһының Илчесе: “Аллаһ Китабыннан бер хәреф кенә укыган һәркемгә бер игелекле эш языла. Ә шундый игелекле һәр эш өчен ун тапкыр күбрәк савап языла. Мин “Әлиф, ләм, мим”не бер хәреф дип әйтмим, “әлиф” – хәреф, “ләм” – хәреф, “мим” – хәреф”, - дип әйткән.
Курсларда укырга теләүчеләр 26 августта “Ярдәм” мәчетенең хатын-кызлар намаз укый торган залда көндезге сәгать икедә узачак очрашуга килә ала.
Белешмәләр өчен телефон: 8 937 525 56 00