Республикакүләм Коръән укучылар бәйгесенең ир-атлар арасындагы җиңүчеләре билгеле (ИСЕМЛЕК)

Быел тәүге тапкыр оештырылган республикакүләм Коръән укучылар бәйгесенең җиңүчеләр исемлеге билгеле. Ир-атлар арасында "Коръәнне яттан сөйләү" (“хифз”) һәм "Коръәнне матур итеп уку" номинацияләрендә көч сынашты. Җиде сәгатькә якын дәвам иткән бәйгенең җиңүчеләре ачыкланды.

БӘЙЛЕ
2016 Дек 09. Фото:dumrt.ru

"Хифз" номинациясе:

1 нче урын - Али Яушев; (Әлмәт);

2 нче урын -Ильяс Сабиров (Казан);

3 нче урын - Нурмөхәммәд Шәрипов (Казан).

"Коръәнне матур итеп уку" номинациясе:

1 нче урын - Альберт Сәхәбетдинов (Көнчыгыш төбәге);

2 нче урын - Хәлил Хайбрахманов (Кама буе төбәге);

3 нче урын - Руслан Сабиров (Казан).

Һәр номинациядә абсолют җиңүгә ирешүчеләргә Татарстан мөфтие Камил хәзрәт Сәмигуллин хаҗга юллама, 2 нче урын алучыларга гомрәгә юллама, 3 нче урын алучыларга ноутбуклар бүләк итте. "Сезнең әлеге бәйгенең берничә этабын үтеп, бүген Татарстан каласында үзегезнең төбәгегезнең данын яклавыгыз - зур вакыйга. Аллаһның китабын белү һәм өйрәнү нинди зур кыйммәткә ия булуын без җиңүчеләргә каралган бүләкләр аша да күрсәтергә тырыштык. Киләчәктә дә, Аллаһның рәхмәтендә булып, хәерле гыйлемнәр алып, туры юлдан барырга насыйп әйләсен сезгә. Әлеге бәйгегә бәйле теләк-тәкъдимнәрегез булса, безгә җиткерә аласыз. Чөнки киләчәктә аны, тагын да камилләштереп, Россия күләмендә оештыру нияте бар", - диде мөфти хәзрәтләре тантаналы чара вакытында.

Нәзарәтнең Коръәнне өйрәнү бүлеге җитәкчесе Илнур Хәйруллин ошбу чараларда яшьләргә активрак катнашырга чакырды. "Республикабызда Коръәнне өйрәнү өчен бөтен шартлар да тудырылган. Быел без "Мөхәммәдия" мәдрәсәсендә тахфиз (Коръән ятлау) бүлеге ачып җибәрдек. Хатын-кызлар һәм балалар өчен дә Коръәнне ятлау төркемнәре эшләп килә. Республика мөхтәсибәтләреннән дә теләге булган һәркем килеп гыйлем үзләштерә ала", - диде белдерде Илнур хәзрәт. Бу хакта Татарстан мөфтияте матбугат хезмәте хәбәр итә.


Комментарийны калдырыгыз
avatar

Янв 13
Янв 09
Ноя 22
Окт 12
Сен 12
Сен 06
Сен 06
Сен 02
Авг 29
Июл 05
Июн 21
Май 24
Май 20
Май 19
Май 19
Май 14
Май 14
Май 13
Май 12
Май 12

40 тартма
Дин
Мәкаләләр


Вакыйга

Әңгәмәләр
© 2009-2023 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе