Ил башына хәерле гомер, хәерле сәламәтлек телибез!

Беренче Президентыбыз Минтимер Шәрип улы Шәймиев җитәкчелегендә безнең гомер узып бара. Гомер дигәннән, ул суверенитет турныда уйланулар, Декларация кабул итү, шартнамә турында фикерләүләр, Президент сайлаулары узу – барысы да безнең буын җаны аша узды.

БӘЙЛЕ
2017 Янв 20. Фото:samtatnews.ru

Ил башы белән якташлар булуыбыз – үзе бер горурлык. Актаныштан искән җилләр безнең Илеш төбәгеннән дә уздылар. Милли хәрәкәттә катнашучы буларак та, миңа якын ул күңелгә.

Алай дигәннән, безгә Минтимер Шәймиевне Президент итеп сайлау комиссиясендә дә булырга туры килде. Бу да олы шатлык иде. Әйе, тормышта теләктәшлектә, бергәлектә, аңлашуда яшәлде Ил башы белән. Ул үзе дә минем тынгысыз җанлы милләттәш икәнлекне күрә һәм бәяли белде. Рәхмәт хатлары белән мине шатландырды.

Инде килеп, җәмәгать, аның гомерендә олы эше мәңгелек тарихлы булган Болгарны тергезү булды. Аны хәзер танырлык түгел. Болгар академиясе төзелеше кызу темплар белән бара. Бу изге һәм олы хезмәт, җәмәгать. Бөтендөнья акылы төбәлгән Болгар төбәге, аның даны гасырлардан-гасырларга күчә. Ил башының исеме халык күңеленә алтын хәрефләр белән язылыр. Бу – Ислам динебезнең, Татарстаныбызның мәңге сүнмәс алгарышы.

Әлмирә Әдиатуллина, Татарстанның атказанган мәдәният хезмәткәре, “Мөслимә” иҗтимагый оешмасы рәисе.


Комментарийны калдырыгыз
avatar

Авг 13
Авг 08
Авг 02
Июл 16
Июл 03
Июн 27
Май 22
Май 18
Май 17
Май 14
Май 14
Май 07
Май 01
Апр 19
Апр 12
Апр 11
Фев 14
Фев 05
Янв 15
Дек 26

40 тартма
Дин
Мәкаләләр


Вакыйга

Май 07

Май 10

Фев 09

Янв 11

Янв 06

Әңгәмәләр
© 2009-2020 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе