Бөтендөнья татар конгрессы Башкарма комитеты Мордовия Республикасы башлыгы В.Д.Волковка ачык хат юллады

Мордовия Республикасының Азюрка татар авылы халкы үзләренең РФ Конституциясендә гарантияләнгән милли хокукларын яклауны сорап, Бөтендөнья татар конгрессы Башкарма комитетына мөрәҗәгать итте.

БӘЙЛЕ
2017 Янв 23. Фото:stolica-s.su

Билгеле булганча, бу җирлектә хакимият белән укытучылар арасында бәхәс бара. Эш шунда: Азюрка авылында гомер-гомергә татар халкының милли гореф-гадәтләрен үтәп яшәүчеләргә, мәктәптә яулык бәйләп йөргән өчен гаеп тагалар.

“Шунысын билгеләп үтәргә кирәк: әлеге авылның хатын-кызлары яулыкны күптәннән бәйли. Бу иҗтимагый тормышның бөтен өлкәләренә дә карый. Алар бөтен дәүләт күләмендә динсезлек идеологиясе хөкем сөргән чорда - совет вакытында да яулыкны бәйләп йөргән. Шул вакытта да республика хакимияте борынгы һәм танылган татар авылының милли гореф-гадәтләренә кизәнмәгән.

Азюрка авылындагы соңгы вакыйгалар Азюрка урта мәктәбенең яклаусыз хатын-кыз укытучыларына карата Мордовия хакимиятләренең тупас холымы һәм административ басым ясавы булып тора. Бу укытучылар үз милли гореф-гадәтләрен үтәү хокукын саклап калырга тели.

Мордовия хакимиятләре, укытучыларны эштән җибәрү белән куркытып, яулыкларын салуны таләп иткәндә, РФ Конституциясенең 28 статьясын боза. Әлеге статьяда “һәркемгә вөҗдан иреге, дин тоту иреге, шул исәптән, теләсә кайсы динне аерым гына яки башкалар белән тоту яки бернинди динне дә тотмау, дини һәм башка карашларны ирекле рәвештә сайлап алу һәм тарату һәм алар нигезендә эш алып бару хокукы гарантияләнә”, диелә. РФ Конституциясенең 37 статьясы “Һәркемнең, бернинди кысрыклаусыз, иминлек һәм гигиена таләпләренә җавап бирә торган шартларда хезмәт итүгә, хезмәт өчен бүләкләнүгә хокукы бар”, дип гарантияли.

Күргәнебезчә, Мордовия хакимиятләре республика татарларының милли һәм дини хокукларына кизәнә, татар халкының балаларга яктылык өләшүче вәкилләренә карата административ басым ясый”, - диелә Бөтендөнья татар конгрессы Башкарма комитетының Мордовия Республикасы башлыгы В.Д.Волковка юллаган ачык хатында.

Хатның тулы варианты биредә.


Комментарийны калдырыгыз
avatar

Авг 13
Авг 08
Авг 02
Июл 16
Июл 03
Июн 27
Май 22
Май 18
Май 17
Май 14
Май 14
Май 07
Май 01
Апр 19
Апр 12
Апр 11
Фев 14
Фев 05
Янв 15
Дек 26

40 тартма
Дин
Мәкаләләр


Вакыйга

Май 07

Май 10

Фев 09

Янв 11

Янв 06

Әңгәмәләр
© 2009-2020 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе