Корбан ите белән мөселман булмаган күршеләрне, үзебезнең диндә булмаган туганнарны сыйларга ярыймы?

Иң мөһиме – Корбан гаетенең ниндидер бер канэчкеч бәйрәм түгеллеген аңларга кирәк. Ул, тулаем алганда, социаль бәйрәм. Ни өчен шулай?

БӘЙЛЕ
2016 Сен 03. Фото: ozvest.ru/

Чөнки корбанны чалгач, без аны өч өлешкә бүләргә тиешбез. Пәйгамбәребез моның сөннәт икәнлеген әйтә, ягъни бу бик саваплы санала.

Пәйгамбәребез итнең өчтән бер өлешен суыткычка салып, гаиләңә калдыр, ди. Аны бер ел ашыйбызмы, бер ай ашыйбызмы – үз эшебез. Бер өлешен, аш пешереп, туганнарны, дусларны чакырып, алар белән бәйрәм итегез, ди. Социаль яктан караганда, динебез син туганнарыңны, дусларыңны җыеп, ашат, корбан ашы үткәр, ди. Кызганычка каршы, без шундый вакытта яшибез: үз эчебезгә бикләндек, туганнар белән аралар суынды, кешеләргә игътибар да итмибез. Өченче өлешен Пәйгамбәребез кисәкләп мескен-ятимнәргә, күршеләргә кертеп чык, ди.

Шунда ул мөселман булган яки мөселман булмаган дип әйтми. Урысмы ул, татармы ул, чувашмы ул, башка милләттәнме ул – Пәйгамбәребез әйтми, тарат, ди. Милләткә карамыйча, бездән бүләк булсын. Алар өчен авыр көндә, бәлки пешерергә итләре дә булмаган чакта, шушы бәләкәй кисәкне аларга бирик. Корбан ите китерделәр икән, рәхмәт әйтеп алыйк. Үзебез чалдык икән, бисмилләһ әйтеп таратыйк. Безгә моның өчен әҗер булыр.

Рөстәм хәзрәт Хәйруллин, Татарстан мөфтие урынбасары, "Гаилә" мәчете имам-хатыйбы.

Комментарийны калдырыгыз
avatar

Янв 13
Янв 09
Ноя 22
Окт 12
Сен 12
Сен 06
Сен 06
Сен 02
Авг 29
Июл 05
Июн 21
Май 24
Май 20
Май 19
Май 19
Май 14
Май 14
Май 13
Май 12
Май 12

40 тартма
Дин
Мәкаләләр


Вакыйга

Әңгәмәләр
© 2009-2024 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе