“Ярдәм” үзәге безнең барыбызны да берләштерсен - Илдар хәзрәт Баязитов

“Иң мөһиме – без бер-беребезгә таяныч булырга тиеш. “Ярдәм” үзәге безнең барыбызны да берләштерсен. Алга таба сезне – безнең белән, безне сезнең белән дуслык җепләре бәйләсен. “Ярдәм” дип аталып йөртелә торган зур гаиләбезгә рәхим итегез! Хәерле юл!” – дип сәламләде бүген “Ярдәм” мәчете имам-хатыйбы Илдар хәзрәт Баязитов коляскада һәм култык таяклары белән йөрүчеләр, ДЦП диагнозлы кешеләр өчен башланган курслар ачылу тантанасында.

БӘЙЛЕ
2017 Мар 13

Илдар хәзрәт Баязитов, курсларга килүчеләрне сәламләп, алга таба да курсларга килүчеләр белән эшнең дәвам итәчәген белдереп, әле зур киләчәк көтүен әйтте.

“Алдагы курсларның нәтиҗәләре буенча бездә инде Лилия дигән кыз эшли. Видеомонтаж белән шөгыльләнә. Ул да курсларга килгән иде. Лилия башкалар белән беррәттән тулы көченә эшли. Бездә хәзер ике чәчәк – ике Лилия. Киләчәктә сезгә дә курслар ярдәм итәр дип ышанам. Бәлки эшкә урнашырсыз, бәлки яраткан шөгылегез барлыкка килер”, - диде хәзрәт.

“Ярдәм” дәвалау-укыту тернәкләндерү үзәге җитәкчесе Мәликә ханым Гыйльметдинова, хәзрәтнең сүзләрен дәвам итеп: “Күрәсезме бу курсларда нәрсәгәдер өйрәнеп, аннан соң эш тә, тормышта үз урыныңны да табып була. Иң мөһиме – омтылышыгыз булсын! Алга таба без эшкә урнаштыру белән шөгыльләнергә, талантларны һәм мөмкинлекләрен ачарга ярдәм итәргә уйлыйбыз”, - диде.

Мәликә ханым: “Әле моның белән генә тукталып калмагыз. Аягына баса алмаган, ярдәмгә мохтаҗ булган кешеләргә ярдәм кулы сузыгыз!” - дип өндәде.

Курсларга килүчеләр ике атна буена алар төрле фәннәрдән – гыйлем, төрле һөнәрләргә өйрәнү күнекмәләре дә алачак. Медицина һәм психология буенча лекцияләр уздыру каралган, массаж ясату мөмкинлеге дә бар. Музейларга, театрларга бару да аларның күзаллауларын киңәйтәчәк. Яулык бәйләү, чибәрлек хикмәтләренә, аш-су әзерләү серләренә дә өйрәнәчәкләр. Шулай ук физик тәрбиягә зур игътибар биреләчәк. Шахмат-шашка уеннарына сәләте булганнар белән шөгыльләнеп, паралимпия уеннарына әзерләү нияте дә бар.

“Ярдәм” тернәкләндерү үзәгенә курсларга егермеләп кеше килде. Алар - Казаннан, Лениногорскидан, Буадан, Чирмешәннән, Лаештан, Яңа Чишмәдән, Оренбург өлкәсеннән, Башкортостаннан. Болар бер-берсенә һәм без дә бер-беребезгә таяныч, терәк булсак иде. Бу девиз – “Ярдәм” девизы. Бергә булыйк!

Римма Гатина.


Комментарийны калдырыгыз
avatar

Авг 13
Авг 08
Авг 02
Июл 16
Июл 03
Июн 27
Май 22
Май 18
Май 17
Май 14
Май 14
Май 07
Май 01
Апр 19
Апр 12
Апр 11
Фев 14
Фев 05
Янв 15
Дек 26

40 тартма
Дин
Мәкаләләр


Вакыйга

Май 07

Май 10

Фев 09

Янв 11

Янв 06

Әңгәмәләр
© 2009-2020 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе