Тәлинкә генә димә яки Россиядә Инвалидлар декадасы башланды

Бүген Россиядә Инвалидлар декадасы башланды. Ул 10 нчы декабрьгә кадәр дәвам итәчәк. Ә 3 декабрь - Халыкара инвалидлар көне. Бу көн җәмгыятьчелекнең игътибарын мөмкинлекләре чикләнгән кешеләрнең проблемаларына, аларның хокукларын яклауга җәлеп итүгә корылган.

БӘЙЛЕ
2016 Дек 01. Фото:Алинә Хәкимҗанова

Бүгенге көндә Татарстанда физик мөмкинлекләре чикләнгән кешеләрнең саны барлык халыкның 8 процентын тәшкил итә. Инвалид балалар 15 меңләп исәпләнә.

Казандагы “Ярдәм” укыту-тернәкләндерү үзәге төрле категория инвалидлар белән эш алып бара. Хәзерге вакытта, мәсәлән, биредә ДЦП диагнозы куелган, арбалы һәм таякка таянып йөри торган кешеләр өчен курслар бара. Аңа кадәр 1 ай дәвамында начар күрүчеләр һәм бөтенләй күрмәүчеләр тернәкләндерү курслары узды. Киләсе курслар начар ишетүчеләр һәм бөтенләй ишетмәүчеләр өчен булыр дип көтелә. Атна саен алар, җомга намазларына килеп, җомга вәгазьләрен ишарәләр аша күңеленә сеңдереп китә.

ДЦП диагнозы куелган, арбалы һәм таякка таянып йөри торган кешеләр өчен курслар 4 декабрьгә кадәр дәвам итәчәк. Әлеге курслар белем бирү һәм тернәкләндерү максатыннан оештырыла. Әмма аларның әһәмияте һәм мәгънәсе күпкә тирәнрәк. Дүрт стена арасында беркая чыкмыйча торган инвалидларның танышу, аралашу урыны да бу. Уртак мәнфәгатьләр, кызыксынулар берләштерә аларны. Алар үзләре – бер дөнья.

Курслар бу кешеләргә яңа белемнәр генә алып килми, яңа һөнәрләр, күнекмәләр дә өсти. Алар ашарга да пешерә, сабын да кайната, матур-матур әйберләр дә ясый. Бөртекләп җыеп ясалган менә дигән тәлинкәләрне сезнең һәрберегезнең күргәне бардыр инде. Бу сувенирлар аларның бармакларының тоемлавын арттырып кына калмый, тормышларын бизәп җибәрә, үзләрендә алдагы көнгә ышаныч уята.

Римма Гатина.


Комментарийны калдырыгыз
avatar

Авг 13
Авг 08
Авг 02
Июл 16
Июл 03
Июн 27
Май 22
Май 18
Май 17
Май 14
Май 14
Май 07
Май 01
Апр 19
Апр 12
Апр 11
Фев 14
Фев 05
Янв 15
Дек 26

40 тартма
Дин
Мәкаләләр


Вакыйга

Май 07

Май 10

Фев 09

Янв 11

Янв 06

Әңгәмәләр
© 2009-2020 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе