Остаз Ишмөхәммәт Зәитовка багышланган (1752-1841) китап тәкъдим ителде

7 декабрьдә Казанның Мәрҗани мәчетендә “Россиянең дин әһелләрен берләштерүдә Мәрҗани мәчетенең роле: Ишмөхәммәт хаҗиның тормыш юлы, мирасы” дип исемләнгән "түгәрәк өстәл" утырышы узды.

БӘЙЛЕ
2016 Дек 07. Фото:evrookno.com

Очрашуда күренекле дин әһеле, остаз Ишмөхәммәт Зәитовка (1752-1841) багышланган китап киң җәмәгатьчелек игътибарына тәкъдим ителде. Китапның авторы - Россия һәм Башкортстанның Язучылар берлекләре әгъзасы Гали Гатауллин.

"Түгәрәк өстәл"дә Татарстан һәм Башкортстан галимнәре, дин әһелләре, җәмәгатьчелек вәкилләре, Ишмөхәммәт Зәитовның туруны Әнгам Ишмөхәммәтов катнашты.

“Хәзер без Россия төбәкләрендә исламны саклау һәм үстерүгә үзеннән зур өлеш керткән кешеләрнең исемнәрен кире кайтарабыз. Ишмөхәммәт хаҗи Зәитовның исеме хаксыз рәвештә онытылган кешеләрнең берсе. Бүгенге көндә татар дин әһелләренең биографияләрен һәм мирасын өйрәнү мөһим бурычлардан санала. Бу игелекле эшкә мәчетләр, мәдрәсәләр һәм башка уку йортлары зур өлеш кертә”, - диде “Мәрҗани” мәчете имам-хатыйбы Рамил хәзрәт Миңгәрәев.

Җыенда тарих фәннәре докторы Илдус Заһидуллин, Башкортостан һәм Россиянең Язучылар берлекләре әгъзасы Гали Гатауллин, Омск дәүләт педагогика университетының филология магистры Закир Шәрипов чыгыш ясады.

"Түгәрәк өстәл"дә катнашучылар Казан мэриясенә башкала урамнарының берсенә Ишмөхәммәт хаҗи исемен бирүне сорап, мөрәҗәгать итәргә булды.

Чараны Әл-Мәрҗани Җәмигъ мәчете һәм Бөтендөнья татар конгрессының Казан бүлекчәсе оештырды.

Бу хакта Казан шәһәренең Вахитов һәм Идел буе районнары мөхтәсибәтенең матбугат үзәге хәбәр итә.


Комментарийны калдырыгыз
avatar

Авг 13
Авг 08
Авг 02
Июл 16
Июл 03
Июн 27
Май 22
Май 18
Май 17
Май 14
Май 14
Май 07
Май 01
Апр 19
Апр 12
Апр 11
Фев 14
Фев 05
Янв 15
Дек 26

40 тартма
Дин
Мәкаләләр


Вакыйга

Май 07

Май 10

Фев 09

Янв 11

Янв 06

Әңгәмәләр
© 2009-2020 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе