Казанның Гадел мәчетендә хаҗилар очрашты

Ә гомерлек хыялыңның тормышка ашуын, әле кайчан гына әби-бабайларыбыз Хаҗ кылу, изге җирләргә аяк басу хакында хыяллана да алмаган гамәлне үтәп кайту тәэсирләрен ничек уртаклашмаска ди?! Рәхмәт, хәзер күп кенә мәчет-мәхәлләләрдә хаҗилар белән шундый очрашулар, зәм-зәмнән авыз итеп, кабаттан Аллаһыга рәхмәт әйтеп, дога кылулар оештырыла. 20 сентябрьдә Казаныбызның “Гадел” мәчетендә дә узды шушындый күңелләрне нечкәрткән хаҗилар белән очрашу.

Читайте также
2017 Сен 22. Фото:Вәсилә Рәхимова

Бер-бер зур эш башкарганнан соң, ниятебезгә ирешү сөенеченнән халкыбызның, җыелып алып, шуны уртаклашу гадәте бар. Мөселман тормышын аеруча җанландырган зөлхиҗҗәдә мондый мәҗлесләр, очрашулар аеруча ешая. Корбан ашларын, Коръән мәҗлесләрен аеруча яратып уздыра халкыбыз. Һәм инде изге җирләрдән фарыз хаҗларын үтәп кайтучыларны каршылау үзе бер зур бәйрәмгә әйләнә. Сөенмәслек, шөкер итмәслекмени соң?! Исламның бишенче баганасы булып саналган, авыр да, җаваплы да, гомергә бер генә тапкыр булса да башкарылырга тиешле гамәлне 50 градус эсселектә ничәмә-ничә мең чакрымнар узып, исән-сау үтәп, Ватаныңа, гаиләң янына әйләнеп кайт әле! Озатып калучылар, шушы олы сәфәрне - фарыз хаҗны оештыручылар өчен дә зур сынау бит бу.

Ә гомерлек хыялыңның тормышка ашуын, әле кайчан гына әби-бабайларыбыз Хаҗ кылу, изге җирләргә аяк басу хакында хыяллана да алмаган гамәлне үтәп кайту тәэсирләрен ничек уртаклашмаска ди?! Рәхмәт, хәзер күп кенә мәчет-мәхәлләләрдә хаҗилар белән шундый очрашулар, зәм-зәмнән авыз итеп, кабаттан Аллаһыга рәхмәт әйтеп, дога кылулар оештырыла. 20 сентябрьдә Казаныбызның “Гадел” мәчетендә дә узды шушындый күңелләрне нечкәрткән хаҗилар белән очрашу.

Мәхәлләдән ун кардәшебез барган хаҗга. Затлы, мул табын артында аларны Рөстәм хәзрәт Бакиров белән Идел буе һәм Вахитов районнары мөхтәсибе, Кабан арты мәчете имам–хатыйбы Йосыф хәзрәт Дәүләтшин сәләмләде. Мәхәлләнең актив әгъзалары Котдус абый, Данияр, Фәрит кардәшләр хаҗ тәэсирләре белән уртаклаштылар. Яңа гына хаҗ сәфәреннән кайткан апалы-сеңелле, мәчеттә күп еллар мөгаллимәлек итүче, уку-укыту эшләрен җитәкләүче Фәния абыстай Җәләлиевага һәм мөгаллимә, табибә Әлфия Һадиевага мәхәллә җитәкчелеге, шатлыкларын уртаклашып, зур чәчәк бәйләмнәре тапшырды. Мәҗлескә кунак итеп чакырылган, шушы “Гадел” мәчете эшчәнлеген газета-журналларда даими яктыртып баручы журналистлар Мөслимә апа Шәфыйкова белән Вәсилә ханым Рәхимовага да хәзрәт рәхмәт йөзеннән чәчәк бәйләмнәре бүләк итте.


Дек 13
Дек 08
Дек 04
Ноя 30
Ноя 30
Ноя 29
Ноя 29
Ноя 29
Ноя 27
Ноя 24
Ноя 24
Ноя 24
Ноя 23
Ноя 23
Ноя 23
Ноя 22
Ноя 22
Ноя 22
Ноя 21
Ноя 21

40 тартма
Дин

Комментарийны калдырыгыз
avatar
Мәкаләләр
Вакыйга

Май 10

Фев 09

Янв 11

Янв 06

Дек 19

Дек 14
Әңгәмәләр
© 2009-2016 "Татар Ислам" мэгълумат агентлыгы
Сайтка куелган язмаларга "Ислам info" "Медиа торкеме" ЖЧШ барлык хокукларга ия санала. Материалларны кулланганда гиперсылтама ясау мэжбури. Масса кулэм магълумат чараларында (Роскомнадзор) теркэлу турындагы таныклыгы: ИА № ФС-77-45782 13. 07 2011 ел. Урнаштырылган материал 18+. т.(843) 258-15-19
Сайтлар ясау хэм сайт белэн идарэ иту "Ариф" студиясе