Казанда журналистлар өчен зур ифтар мәҗлесе үткәрелде

Татарстан мөфтие Камил хәзрәт Сәмигуллин динебезгә дәгъватлаучы каләм әһелләре белән ифтар мәҗлесендә очрашты. Әлеге ифтарда республикада чыгучы дәүләт һәм шәхси матбугат чараларыннан 50 артык журналист катнашты.

Читайте также
2017 Июн 08. Фото:dumrt.ru

Кичәнең кунаклары арасында мөфтинең җирлекләр (мөхтәсибәтләр) белән эшләү буенча урынбасары Мансур хәзрәт Җәләлетдин, Татарстан Президенты матбугат секретареның урынбасары Ләззәт Хәйдәров, "Эфир" телеканалының директорлар советы урынбасары Самвел Оганисян да бар иде.

Камил хәзрәт катнашучыларны Рамазан ае белән котлады һәм динебез үсешенә өлеш кертүләре өчен олы рәхмәтләрен җиткерде. Форсаттан файдаланып, мәҗлес кунакларын уразага багышлаган Коръән аятьләренең иңү тарихы белән таныштырды. Әлеге ифтар ашында дин әһелләре һәм матбугат вәкилләре үзара фикер алышты, матбугат аша исламга дәгъватлау юлларын барлады, мөфти хәзрәтләренә кызыксындырган сорауларын бирде, дип хәбәр итә Татарстан мөфтиятенең матбугат хезмәте.

Журналист Илдар Кыямов мөфтияткә рухи традицияләребезне саклауга зур өлеш кертүе өчен рәхмәтен белдерде. "Камил хәзрәтнең актив эшчәнлеге нәтиҗәсендә, безнең халык күп кенә дин галимнәребезнең эшчәнлекләре, хезмәтләре белән таныша алды", - диде Илдар Кыямов һәм мөфтигә үзенең туган ягына багышланган яңа "Кара Чишмә карьясе" китабын бүләк итте.

- Бүгенге авыз ачу чарасында башка милләт вәкилләрен күрү бик куанычлы, - диде Ләззәт Хәйдәров. - Ошбу чаралар милләтара мөнәсәбәтләрне тагы да ныгыта.

"Татар-информ" мәгълүмат агентлыгы җитәкчесе Шамил Cадыйков исә нәзарәтнең актив рәвештә социаль технологиялар куллануын билгеләп үтте: "Мөфти Камил хәзрәт үзенең эшчәнлегендә мәгълүмати технологияләр белән бик актив куллана. Аны IT-мөфти дип тә әйтеп була хәзер".

Очрашу азагында журналистларга үзенең теләк-тәкъдимнәрен мөфтинең урынбасары Мансур хәзрәт Җәләлетдин җиткерде. Бүгенге очрашу Коръән укып һәм Аллаһтан алдагы эшләрне уңышлы итүен теләгән догалар белән тәмамланды.


Авг 18
Авг 18
Авг 17
Авг 17
Авг 16
Авг 16
Авг 16
Авг 15
Авг 14
Авг 12
Авг 11
Авг 11
Авг 10
Авг 10
Авг 10
Авг 09
Авг 09
Авг 08
Авг 08
Авг 08

40 тартма
Дин

Комментарийны калдырыгыз
avatar
Мәкаләләр
Вакыйга

Май 10

Фев 09

Янв 11

Янв 06

Дек 19

Дек 14
Әңгәмәләр
© 2009-2016 "Татар Ислам" мэгълумат агентлыгы
Сайтка куелган язмаларга "Ислам info" "Медиа торкеме" ЖЧШ барлык хокукларга ия санала. Материалларны кулланганда гиперсылтама ясау мэжбури. Масса кулэм магълумат чараларында (Роскомнадзор) теркэлу турындагы таныклыгы: ИА № ФС-77-45782 13. 07 2011 ел. Урнаштырылган материал 18+. т.(843) 258-15-19
Сайтлар ясау хэм сайт белэн идарэ иту "Ариф" студиясе