Күрмәүчеләр өчен курсларга килүчеләр белемгә омтылышы белән шатландырды

2017 ел башы “Ярдәм” фонды карамагындагы тернәкләндерү үзәгендә күрмәүчеләр һәм начар күрүчеләр өчен курслар уздыру белән истә калыр. Бу курсларга килүчеләр алдагылардан белемгә омтылышлары белән дә, сан ягыннан күп булулары белән дә аерылып торды.

БӘЙЛЕ
2017 Фев 17. Фото:Данис Касыймов

Бүген әлеге курслар тантаналы рәвештә ябылды. Анда курсларны тыңлаучылар гына түгел, җомга намазына вәгазь тыңларга килгән начар ишетүчеләр дә бар иде. Начар ишетүчеләргә әлеге вәгазьләрне Рәисә апа Сабирҗанова ишарәләр теле белән аңлата. Курслар ябылышында Бельгиядән Коръән өйрәнү үзәгендә шөгыльләнә торган малайларына кунакка килгән әти-әниләр дә катнашты.

Бер ай дәвамында Л.Брайль шрифты белән Коръән укырга һәм башка гыйлемнәргә өйрәнгән курсантлар бүген үзәк җитәкчесе Мәликә ханым Гыйльметдиновага, мәчетнең имам-хатыйбы Илдар хәзрәт Баязитовка һәм “Ярдәм” фонды президенты Илһам Исмәгыйлевка рәхмәт сүзләрен җиткерде. Шәкертләр укытучыларына сабырлыклары һәм үз эшләрен җиренә җиткереп башкарулары өчен рәхмәт белдерде. Үзләренең сәламәтлеген кайгыртып торган Фирая ханым Таһированы, спорт белән дуслаштырган Рафаэль Мифтаховны мактады.

Күп еллардан килгән гадәт буенча, һәр курсантка Брайль шрифтлы Коръәннең 30 нчы җүзе, хаҗдан кайткан тәсбихләр һәм башка бүләкләр бүләк ителде.

Курсларда белем алучылар үзләренең монда күп дуслар табуларын билгеләп үтте. Алар әле, өйләренә кайткач та, бер-берсе белән сөйләшеп, аралашып торачак.

Мөгаллимнәр үз чиратында шәкертләрне тырышлыгын, казанышларын билгеләп үтте. Аларга Коръәнне өйрәнүне дәвам итәргә, өйрәнгән сурәләрне кабатлап торырга чакырды. Шәкертләр курсларга тагын Рамазан аенда килер дип көтелә.


Комментарийны калдырыгыз
avatar

Авг 13
Авг 08
Авг 02
Июл 16
Июл 03
Июн 27
Май 22
Май 18
Май 17
Май 14
Май 14
Май 07
Май 01
Апр 19
Апр 12
Апр 11
Фев 14
Фев 05
Янв 15
Дек 26

40 тартма
Дин
Мәкаләләр


Вакыйга

Май 07

Май 10

Фев 09

Янв 11

Янв 06

Әңгәмәләр
© 2009-2020 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе