Бөгелмәнең үзәк мәчетендә балалар арасында уздырылган намазлык бизәкләре конкурсына нәтиҗә ясалды

"Төп казанышыбыз - балалар арасында әлеге сәнгать төренә карата кызыксыну уяттык һәм талантлы яшьләребезне барладык", - дип билгеләп үтте Бөгелмә районы һәм шәһәре имам-мөхтәсибе Рамил хәзрәт Хөснетдинов.

Бәйгедә 7-14 яшьлек 100 дән артык бала катнашты. Катнашучыларның эшләрен Россия Рәссамнар берлеге әгъзалары һәм Бөгелмәнең сәнгать мәктәбе укытучылары бәяләде. Җиңүчеләр, призлы урыннар алучылар һәм аларның остазлары дипломнар һәм кыйммәтле бүләкләр белән бүләкләнде.

Менә алар төп өч яшь категория җиңүчеләре: Мансур Хөснетдинов (7-9 яшьлекләр арасында); Айгөл Йосыпова (10-12 яшьлекләр арамында) һәм Алия Шиһапова (13-17 яшьлекләр арасында). Бу хакта мөхтәсибәттән хәбәр итәләр.