Россия мөфтиләре Советы матбугат хезмәтендә хәбәр иткәнчә, дистә еллар дәвамында бәйгегә меңләгән әсәр җибәрелгән. Аларда Россиядә төрле дин тотучыларның Ислам диненә карата карата кызыксынуы һәм тирән хөрмәте чагыла.
Быел бәйгенең темасы итеп “Биш намаз” дигән исем алынган һәм исламның бер баганасы булган биш вакыт намазга багышлана. Намаз – кеше белән Аллаһы Тәгалә арасындагы бөек сер. Бу сергә Изге Коръәндә һәм хәдисләрдә дан җырлана. Бу тема, нинди дин тотуларына карамастан, төрле дәверләрдә язучыларны һәм шагыйрьләрне, сәяхәтчеләрне һәм рәссамнарны иҗатка рухландырган.
Бәйгене оештыручылар иҗат эшләренең биш вакыт намазга багышланган әсәрләрдән торган бай мирасны тагын да тулыландырыр дип ышана.
Тулырак мәгълүматны http://xn--e1afbedcaxcgdwfid0a2d4f.xn--p1ai/ адресы буенча таба аласыз.