Татарстан хаҗиларына төрле мәзһәбләрдә хаҗ кылу үзенчәлекләрен аңлаттылар

Мәккә кунакханәсендә хаҗиларга дин дәресләре бирелде. Казанның Галиев мәчете имам-хатыйбы Тимергали хәзрәт Юлдашев Хәнәфи мәзһәбе буенча хаҗ кылуның үзенчәлекләре турында сөйләде. “Бу бер көн эчендә генә аңлата торган нәрсә түгел ул, хаҗның нәрсә икәнен аңлар өчен кешеләр еллар буе укый”, – ди ул.

Читайте также
2017 Авг 24. Фото:tatar-inform.tatar

Тимергали хәзрәт әйтүенчә, гыйбадәттә аерма юк, барлык галимнәр, бөтен мәзһәбләр дә Әбү Хәнифә күрсәтмәләре буенча эшли. “Бик игътибарлы булырга кирәкле әйберләр бар, мәсәлән, җәмәратнең (таш ату) өченче көненә бөтенесе дә бармый, ә Әбү Хәнифә: "Барырга кирәк", - ди. Чөнки һәр ыргытылган таш өчен гөнаһлар кичерелә, моның өчен Аллаһ Тәгалә бик зур гөнаһларны кичерә. Ләкин аны да кешене бәреп үтерерлек итеп атарга кирәкми, акрын гына атарга кирәк. Ашыгырга ярамый, гөнаһымны бетерәм дип, башка кешене гөнаһлы итәргә мөмкинсең. Вакыт булса, дүрт рәкәгать намазны да укырга ярый, икене дә мөмкин”, – диде ул.

Хаҗиларга дин дәресләрендә әйтелгәнчә, Хәнәфи мәзһәбе буенча кешенең хаҗ кылу өчен бөтен шартлары да бар икән, ул шушы ук елда хаҗ сәфәренә барырга тиеш. Шәфигый мәзһәбе буенча хаҗ кылырга башка елда барсаң да ярый.

Хәнәфиләрдә Гомрә (кече Хаҗ) - сөннәт, ә шәфигыйләрдә фарыз булып санала. Хәнәфиләрдә тәваф вакытында кием, тәннең саф булуы шарт түгел, ә шәфигый мәзһәбендә Тәваф кылу өчен төп шарт булып тора.

2-4 рәкәгатьле тәваф хәнәфиләрдә һәм мәлики мәзһәбендә вәҗиб санала, ә шәфигый һәм хәнбәли мәзһәбендә сөннәт буларак кабул ителә.

Мина үзәнлегендә 5 төн куну хәнәфи мәзһәбендә – сөннәт, хәнбәли мәзһәбендә – вәҗиб. Бу хакта Татар-информ" мәгълүмат агентлыгы хәбәр итә.


Сен 22
Сен 22
Сен 22
Сен 21
Сен 21
Сен 21
Сен 20
Сен 20
Сен 19
Сен 19
Сен 19
Сен 19
Сен 18
Сен 18
Сен 18
Сен 15
Сен 15
Сен 14
Сен 14
Сен 13

40 тартма
Дин

Комментарийны калдырыгыз
avatar
Мәкаләләр
Вакыйга

Май 10

Фев 09

Янв 11

Янв 06

Дек 19

Дек 14
Әңгәмәләр
© 2009-2016 "Татар Ислам" мэгълумат агентлыгы
Сайтка куелган язмаларга "Ислам info" "Медиа торкеме" ЖЧШ барлык хокукларга ия санала. Материалларны кулланганда гиперсылтама ясау мэжбури. Масса кулэм магълумат чараларында (Роскомнадзор) теркэлу турындагы таныклыгы: ИА № ФС-77-45782 13. 07 2011 ел. Урнаштырылган материал 18+. т.(843) 258-15-19
Сайтлар ясау хэм сайт белэн идарэ иту "Ариф" студиясе