Казанда Мәрҗани мәчете турында күргәзмә ачыла. Бары бер генә көнгә!!

Казанның Мәрҗани мәчетендә Татарстан Республикасының Дәүләт архивы ярдәме белән мәчет төзелә башлауның 250 еллыгына багышланган экспозиция ачыла.

БӘЙЛЕ
2017 Ноя 30. Фото:dumrt.ru

Иртәгә 2017 елның 1 декабрендә Казанның Мәрҗани мәчетендә Татарстан Республикасының Дәүләт архивы ярдәме белән мәчет төзелә башлауның 250 еллыгына багышланган экспозиция ачыла.

Күргәзмәдә Татарстан Республикасы Дәүләт архивы фонды документлары урын алачак. Алар арасында таш мәчетнең төзелү проекты, Казандагы мәчетләр һәм мәдрәсәләр исәбе турында 1873 елгы ведомость, Ш. Мәрҗанинең Казан татар укытучылар мәктәбе мөгаллиме булуы турында билгеләмә, шулай ук аның эштән алынуы турында һәм башкалар документлар бар. Барлыгы 30 экспонат, төп нөхсәләр дә, күчермәләр дә бар. Күбесе тәүге тапкыр күрсәтелә.

2017 елда Казанның Беренче Җәмигъ мәчете төзелә башлануының 250 еллыгы билгеләп үтелә. Аның салынуы Әби патшаның Россиядә православиедән тыш башка диннәргә карата ачык сәясәте урнашуының якты билгесе булып тора. Бүгенге көндә ул Татарстанда татар-мөселман рухи мирасының тарихи йөзек кашы булып тора. Мәчет тарихы бөек татар мәгърифәтчесе Шиһабетдин хәзрәт Мәрҗанинең тормышы һәм эшчәнлеге белән тыгыз бәйләнгән. 1867 елда хәзрәт анда - ахун һәм Казанның мөхтәсибе итеп билгеләнә.

Күргәзмә бары бер көн дәвамында гына эшләячәк. Эш вакыты: 10.00-15.00.

Әлеге мәгълүмат ТР мөселманнары Диния нәзарәтенең рәсми сайтыннан алынды.


Комментарийны калдырыгыз
avatar

Янв 13
Янв 09
Ноя 22
Окт 12
Сен 12
Сен 06
Сен 06
Сен 02
Авг 29
Июл 05
Июн 21
Май 24
Май 20
Май 19
Май 19
Май 14
Май 14
Май 13
Май 12
Май 12

40 тартма
Дин
Мәкаләләр


Вакыйга

Әңгәмәләр
© 2009-2024 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе