Гали әбү Талиб (р.г.): “Сәфәр кылыгыз, сәфәрдә 5 файдалы әйбергә өйрәнеп була"

Беренчедән, ул күңелсезлекне бетерә. Икенчедән – малны, өченчедән гыйлемне арттыра. Дүртенчедән, әхлакка өйрәтә. Бишенчедән, яхшы кешеләр белән дуслаштыра.

БӘЙЛЕ
2016 Авг 22. Фото:tur.kavkazskitur.ru

Җәй - сәфәрләргә бай чор. Коръәндә һәм Мөхәммәд пәйгамбәребез хәдисләрендә сәфәр турында ниләр әйтелгән? Сәфәрнең шартлары нинди, сәфәргә чыкканда нинди догалар кылырга, юлда булганда, тауга менгәндә, күпер чыкканда нинди кәлимәләр әйтергә? Бу уңайдан “Ярдәм” мәчете имамы Ибраһим хәзрәт Шаһимәрдәновның сәфәргә багышланган җомга вәгазе ярдәмгә килер.

Аллаһы Тәгалә Коръәндә "Ганкабүт" сурәсенең 20 нче аятендә: “Әйт ий Мөхәммәд Мостафа (с.г.в.): "Җир өстендә йөрегез һәм гыйбрәт илә карагыз – Аллаһ кешеләрне ничек төрле итеп халык кылган, соңра хөкем итәр өчен үлгән кешеләрне барын да тергезер, Аллаһуның һәр нәрсәгә көче җитәдер”, - ди.

Мөхәммәд (с.г.в): “Сәфәр кылыгыз һәм сәламәт булырсыз”, - дигән. Әбү Хурайра җиткергән хәдис (Әхмәд җыентыгы).

Гали әбү Талиб (р.г.): “Сәфәр кылыгыз, сәфәрдә 5 файдалы әйбергә өйрәнеп була, - дигән. – Беренчедән, ул күңелсезлекне бетерә. Икенчедән – малны, өченчедән гыйлемне арттыра. Дүртенчедән, әхлакка өйрәтә. Бишенчедән, яхшы кешеләр белән дуслаштыра".

Өч төрле сәфәр бар: беренчесе – гыйлем алу өчен, икенчесе – кәсеп кылу өчен, өченчесе – күңел ачу өчен. Бу сәфәрләр Аллаһы Тәгаләнең ризалыгын алу өчен булырга тиеш.

Расүлүллаһ (с.г.в.) әйткән: “Кем гыйлем алу өчен сәфәр чыкса, фәрештәләр шул кешенең аяк асларына канатларын җәярләр. Күктәге һәм җирдәге мәхлүкатлар, хәтта диңгездә булган кит балыгы да сәфәр чыккан кеше өчен Аллаһы Тәгаләдән гафу кылуын сорарлар. Ул кешегә җәннәткә юл җиңеләер икән”, - дигән.

“Ярдәм” мәчете имамы Ибраһим хәзрәт Шаһимәрдәновның сәфәргә багышланган җомга вәгазен тулысынча әлеге видеодан карый аласыз.


Комментарийны калдырыгыз
avatar

Сен 12
Сен 06
Сен 06
Сен 02
Авг 29
Июл 05
Июн 21
Май 24
Май 20
Май 19
Май 19
Май 14
Май 14
Май 13
Май 12
Май 12
Май 09
Май 09
Май 09
Дек 20

40 тартма
Дин
Мәкаләләр


Вакыйга











Әңгәмәләр
© 2009-2022 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе