"Аллаһы Сөбеханәкә Тәгалә Рәҗәп, Шәгъбән, Рамазан айларын ни өчен бирә? Әлбәттә, безнең өчен. Хата-кимчелекләрдән арыну өчен.
Хөрмәтле дин кардәшләребез! Без бу тормышта ел буе иртәннән алып кичкә кадәр белеп тә, белмичә дә бик күп вак гөнаһлар, хата-кимчелекләр кылабыз. Әмма Аллаһы Тәгалә безнең өчен шундый уңайлыклар, нигъмәтләр һәм бәрәкәтләр бирә. Әлбәттә, Шәгъбән ае шундый айлардан булып тора.
Усама бин Зәйд пәйгамбәр Мөхәммәд (с.г.в.га): "Әй, Аллаһның Илчесе, ни өчен син Шәгъбән аенда, башка айларга караганда, күбрәк ураза тотасың ?" - дип, сорау бирә икән. Расүлүллаһ (с.г.в.) җавап йөзеннән: "Шәгъбән ае изге ике ай арасындадыр. Рәҗәп белән Рамазан - дәрәҗәле, фазыйләтле вә мәртәбәле айлардыр. Әмма адәм балалары Шәгъбән аена карата битараф булдылар. Әмма бу айда бөтен кылган гамәлләр дә Аллаһы Тәгалә тарафында булыр", - диде.
Хөрмәтле дин кардәшләребез, шуңа күрә Шәгъбән аенда догалар укып, Коръән аятьләрен укып, хәлдән килә икән, кадәр уразалар тотып, Рамазан Шәриф аена әзерлек бара, иншаллаһ!"