Владимир Ряховский: "Мөселман берләшмәләре җитәкчеләренә, имамнарга – гомумән, барлык мөселманнарга законнарны белү мөһим"

“Дәүләт һәм конфессияләр арасындагы мөнәсәбәтләр” программасы буенча квалификация күтәрү курслары эшчәнлеге кысаларында РФ Президенты карамагындагы Сәяси консультатив советның Кеше хокуклары буенча даими палата әгъзасы, РФ Президенты карамагындагы Дини берләшмәләр белән эшләү буенча Советның “Вөҗдан иреге һәм дини берләшмәләр турында” Федераль законны тормышка ашыру мәсьәләләре буенча Күзәтче эш төркеме әгъзасы Владимир Ряховский курсларны тыңлаучылар өчен дәрес уздырды.

БӘЙЛЕ
2016 Окт 12. Фото:dumrf.ru

Ул “Терроризмга каршы тору турында” Федераль законны (“Яровая пакеты”) миссионерлык эшчәнлегенә мөнәсәбәтле рәвештә гамәлдә куллану үзенчәлекләренә багышланган иде. Көн тәртибенә “Дини һәм миссионерлык эшчәнлеге алып баруга нәрсә керә?”, “Миссионерлык эшчәнлеген кайда алып барырга мөмкин?”, миссионерлык эшчәнлегендә чит гражданнарының катнашуы дигән һәм башка мәсьәләләр чыгарылган иде.

Владимир Ряховский тыңлаучыларны законнарга бик игътибарлы булырга һәм җаваплы карап эшләргә чакырды. Тыңлаучылар, үз чиратында, дини оешмалар тарафыннан дини әдәбият бастырып чыгаруның, шәхси йортларда гыйбадәт кылу һәм башка сораулар бирде.

Владимир Ряховский сүзләренчә, мөселман берләшмәләре җитәкчеләренә, имамнарга – гомумән, барлык мөселманнарга законнарны белү мөһим. “Кайвакытта хокук саклау органнары ислам вәкилләренә карата “зур” игътибар күрсәтә. Күп очракта хаксызга да. Мөселманнар, башка традицион конфессияләр вәкилләре кебек үк, Россиянең законнарны үтәп яшәүче гражданнары булып тора. Шуңа күрә законнарны белергә кирәк. Бу, законнарга таянып, көч структуралары һәм хакимият вәкилләре белән уртак тел табу өчен зарур”, - диде адвокат.

РФ мөселманнары Диния нәзарәте матбугат хезмәте белән берлектә Римма Гатина.

Комментарийны калдырыгыз
avatar

Авг 13
Авг 08
Авг 02
Июл 16
Июл 03
Июн 27
Май 22
Май 18
Май 17
Май 14
Май 14
Май 07
Май 01
Апр 19
Апр 12
Апр 11
Фев 14
Фев 05
Янв 15
Дек 26

40 тартма
Дин
Мәкаләләр


Вакыйга

Май 07

Май 10

Фев 09

Янв 11

Янв 06

Әңгәмәләр
© 2009-2020 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе