Татарстанның “Вөҗдан иреге турында һәм дини берләшмәләр турында” Законына үзгәрешләр кертелә

ТР Дәүләт Советының Мәгариф, мәдәният, фән һәм милли мәсьәләләр буенча комитеты әгъзалары “Вөҗдан иреге турында һәм дини берләшмәләр турында” Татарстан Республикасы Законына үзгәрешләр кертү хакында” закон проектын карады һәм сессиядә карарга тәкъдим итте.

БӘЙЛЕ
2016 Окт 19. Фото:inkazan.ru

Закон проектының аңлатма язуыннан күренгәнчә, “Вөҗдан иреге турында һәм дини берләшмәләр турында” Татарстан Республикасы Законына үзгәрешләр кертү хакында” Татарстан Республикасы законы проекты “Вөҗдан иреге турында һәм дини берләшмәләр турында” 1999 елның 14 июлендәге Татарстан Республикасы Законын Федераль законга туры китерү максатыннан әзерләнгән.

2016 елның 20 июлендә «Террорчылыкка каршы тору турында» Федераль законга һәм Россия Федерациясенең аерым закон актларына террорчылыкка каршы торуда һәм җәмәгать иминлеген тәэмин итүдә өстәмә чаралар билгеләү өлешендә үзгәрешләр кертү турында» 2016 елның 6 июлендәге 374 нче Федераль закон үз көченә керде. Әлеге Федераль законның 8 статьясы белән “Вөҗдан иреге турында һәм дини берләшмәләр турында” 1997 елның 26 сентябрендәге 125 нче Федераль Законга миссионерлык эшчәнлеген гамәлгә ашыру мәсьәләләрен җайга салу өлешендә үзгәрешләр кертелде. Шуңа бәйле рәвештә “Вөҗдан иреге турында һәм дини берләшмәләр турында” 1999 елның 14 июлендәге 2279 нчы Татарстан Республикасы Законына үзгәрешләр кертергә кирәк.

Нәтиҗәдә “Вөҗдан иреге турында һәм дини берләшмәләр турында” Татарстан Республикасы Законынының 8, 15 һәм 21 статьяларына үзгәрешләр кертергә тәкъдим ителә. Тәкъдим ителә торган үзгәрешләрне исәпкә алган статьялар редакциясе болай яңгырый.

8 статьяның 1,2 пунктлары

1. Россия Федерациясе территориясендә даими һәм законлы нигездә яшәүче гражданнарның бергәләп дин тоту һәм дин тарату өчен төзелгән һәм түбәндәге максатка туры килә торган ирекле берләшүләре Татарстан Республикасында дини берләшмә дип таныла: дин тотуга; гыйбадәтләр кылуга, башка дини йолаларны һәм тантаналарны башкаруга; үз дәвамчыларыңны дингә өйрәтү һәм дини тәрбия бирүгә.

2. Дини берләшмәләр миссионерлык эшчәнлеген “Вөҗдан иреге турында һәм дини берләшмәләр турында” 1997 елның 26 сентябрендәге 125 нче Федераль законда билгеләнгән тәртиптә гамәлгә ашыралар.”

15 статьяның 3 пункты

3. Чит ил дини оешмасы вәкиллеге гыйбадәт кылу эшчәнлеге һәм башка төрле дини эшчәнлек белән шөгыльләнә алмый, аның исеменнән миссионерлык эшчәнлеге гамәлгә ашырыла алмый һәм аңа “Вөҗдан иреге турында һәм дини берләшмәләр турында” 1997 елның 26 сентябрендәге 125 нче Федераль закон белән билгеләнгән дини берләшмә статусы кагылмый.

21 статьяның 3 пункты

3. Дини оешмалар чыгара торган, шулай ук аның исеменнән миссионерлык эшчәнлеген гамәлгә ашыру кысаларында таратыла торган әдәбият, басма, аудио- һәм видеоматериаллар әлеге дини оешманың тулы рәсми исеме белән тамгаланырга тиеш.”

ТР Дәүләт Советы белән берлектә Римма Гатина.

Комментарийны калдырыгыз
avatar

Авг 13
Авг 08
Авг 02
Июл 16
Июл 03
Июн 27
Май 22
Май 18
Май 17
Май 14
Май 14
Май 07
Май 01
Апр 19
Апр 12
Апр 11
Фев 14
Фев 05
Янв 15
Дек 26

40 тартма
Дин
Мәкаләләр


Вакыйга

Май 07

Май 10

Фев 09

Янв 11

Янв 06

Әңгәмәләр
© 2009-2020 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе