Казандагы "Ярдәм" фонды быел начар ишетүче, күрмәүче һәм коляскада йөрүчеләргә хаҗ кылырга ярдәм итә

Аларны хаҗга Күрмәүче мөселманнарны дәвалау-укыту тернәкләндерү буенча "Ярдәм" үзәге директоры Мәликә ханым Гыйльметдинова озата китте. Мөселманнарга хаҗ кылырга Казандагы “Ярдәм” милли ислам хәйрия фонды ярдәм итте. "Казан" халыкара аэропортында хаҗиларны Татарстан мөфтиенең социаль мәсьәләләр буенча киңәшчесе, "Ярдәм" мәчете имам-хатыйбы Илдар хәзрәт Баязитов озатып калды, фатыйхасын бирде.

Читайте также
2017 Авг 21

Быел "Ярдәм" милли ислам хәйрия фонды ярдәме белән хаҗга киткән мөселманнарның барысы да әлеге фонд белән тыгыз бәйләнгән. Күп кешеләргә таныш шагыйрә Лилия Сәлахетдинова - фондның алыштыргысыз хезмәткәре, Күрмәүче мөселманнарны дәвалау-укыту тернәкләндерү буенча "Ярдәм" үзәге директоры урынбасары. Ул күптән түгел генә, коляскага утырган килеш, Санкт-Петербургны әйләнеп кайткан иде. Начар ишетүче Рәйсә апа Сабирҗанова "Ярдәм" мәчете (үз вакытында "Сөләйман" мәчете)белән озак еллар дәвамында хезмәттәшлек итә."Ярдәм" дәвалау-укыту тернәкләндерү үзәгендә начар ишетүчеләр һәм бөтенләй ишетмәүчеләр өчен курслар оештыруда зур өлеш кертә. Ютубта "Ярдәм.ТВ" каналында фонд турында рус телендә чыга торган видеожурналны ишетмәүчеләр өчен ишарәләр теле (сурдоперевод) аңлатып бара. Ә күрмәүче Диләрә апа Хаҗиәхмәтова , сукыр калганнан соң, берничә тапкыр күрмәүчеләр өчен курсларда булып,яңадан яшәргә өйрәнгән кеше.

Әлеге үзәк җитәкчесе Мәликә ханым Гыйльметдинованың хаҗга күрмәүчеләрне алып барудагы тәҗрибәсе зур. Ә начар ишетүчеләр һәм коляскада утырып йөрүчеләрне әле ул хаҗга беренче тапкыр озата бара.

Мәликә ханым Гыйльметдинова хәбәр иткәнчә, күрмәүче кеше хаҗ йолаларын җиренә җиткереп үтәсен өчен, озата баручы аңа юнәлеш бирергә, һәр нәрсәне тәфсилләп сөйләргә, аңлатырга тиеш.

“Күрмәүчеләргә хаҗ вакытында читенрәк, кешеләр өере аны анда-монда алып атарга мөмкин. Шуңа күрә күрмәүчеләрне һәм начар күрүчеләрне хаҗда булып кайткан, тәҗрибәле хаҗилар озата бара да инде, - диде ул. – Кешегә хаҗны гомерендә бер генә тапкыр кылырга насыйп булырга мөмкин. Бу кеше хаҗны ахырына кадәр, бөтен кагыйләрен үтәп, җиренә җиткереп кылсын, үкенечкә калмасын, “хаҗым кабул булдымы инде, юкмы?” - дип, өзгәләнмәсен өчен, аңа озатучы бирәбез”.

Мәликә ханым аңлатып үткәнчә, күрмәүче һәм начар күрүче мөселманнар укыту-тернәкләндерү үзәгендә белем алу вакытында фикх, гакыйдәне, сираны үзләштерә, Коръән укырга өйрәнә.

“Алар хаҗ белән кызыксына, хаҗга ничек барырга, безгә хаҗга барырга ярыймы дигән сораулар бирәләр. Без күрмәүче мөселманны хаҗга беренче тапкыр 2008 елда алып бардык. Мин аны үзем озата бардым. Ул Коръәнне яттан өйрәнүе, намазларны укуы, көн яктысын күрмичә, хаҗ кылып кайта алуы өчен, бик шатланды. Бу башкаларга бик көчле этәргеч булды. Инде ел саен берничә кешене хаҗга алып барабыз”, - диде М.Гыйльметдинова.

Хаҗиларның хаҗлары кабул булсын. Аллаһы Тәгалә әҗерен бирсен.

Римма Гатина.


Ноя 03
Ноя 03
Ноя 03
Ноя 02
Ноя 02
Ноя 02
Ноя 01
Ноя 01
Ноя 01
Окт 31
Окт 31
Окт 27
Окт 26
Окт 24
Окт 18
Окт 18
Окт 18
Окт 17
Окт 17
Окт 17

40 тартма
Дин

Комментарийны калдырыгыз
avatar
Мәкаләләр
Вакыйга

Май 10

Фев 09

Янв 11

Янв 06

Дек 19

Дек 14
Әңгәмәләр
© 2009-2016 "Татар Ислам" мэгълумат агентлыгы
Сайтка куелган язмаларга "Ислам info" "Медиа торкеме" ЖЧШ барлык хокукларга ия санала. Материалларны кулланганда гиперсылтама ясау мэжбури. Масса кулэм магълумат чараларында (Роскомнадзор) теркэлу турындагы таныклыгы: ИА № ФС-77-45782 13. 07 2011 ел. Урнаштырылган материал 18+. т.(843) 258-15-19
Сайтлар ясау хэм сайт белэн идарэ иту "Ариф" студиясе