Төркем җитәкчеләре эш нәтиҗәсенә бәяне хаҗиларыбыз фикереннән чыгып бирә алабыз - Рөстәм Батров

"ДУМ РТ Хаҗ" программасы җитәкчелеге Гашурә көне хөрмәтеннән “Регистан” ресторанында хаҗилар, медицина хезмәткәрләре, төркем җитәкчеләре – хаҗны оештыруга өлеш керткән кешеләр катнашында очрашу уздырды.

БӘЙЛЕ
2016 Окт 12. Фото:dumrt.ru

Кунаклар итеп Татарстан мөфтие урынбасарлары Рөстәм хәзрәт Батров, Илдар хәзрәт Баязитов, Рөстәм хәзрәт Хәйруллин, Рәфыйк Мөхәммәтшин чакырылган иде. Кичә изге Коръәннән сурәләр уку һәм дога кылу белән башланып китте.

Рөстәм Батров сүзләренчә, хаҗ – һәр мөселман тормышындагы мөһим сәфәр. “Аллаһы Тәгалә хаҗыгызны кабул итсен”, - дип, мөрәҗәгать итте ул хаҗиларга.

“Бүген безнең арада үзләренә йөкләнгән вазифаны менә дигән итеп үтәгән төркем җитәкчеләре дә бар. Аларның эш нәтиҗәсенә бәяне без хаҗиларыбыз фикерләреннән чыгып бирә алабыз. Хаҗилар быел хаҗның тыныч узуын һәм оештыру мәсьәләләренең тиешле дәрәҗәдә булуын әйтә. Без "ДУМ РТ Хаҗ" программасы хезмәткәрләренә рәхмәт белдерәбез”, - диде Р.Батров.

Хаҗилар, аларны озата барган төркем җитәкчеләре, медицина хезмәткәрләре дә кичә барышында хаҗдан алган тәэсирләре белән уртаклашты, рәхмәтләрен әйтте.

Билгеле булганча, быел Татарстаннан хаҗга 900 кеше барды. Аларның унсигезе – хаҗ йолаларын һәм гарәп телен яхшы белгән төркем җитәкчеләре.

Кичә күмәк дога кылу белән тәмамланды.

Татарстан мөфтияте матбугат хезмәте материаллары буенча.


Комментарийны калдырыгыз
avatar

Авг 13
Авг 08
Авг 02
Июл 16
Июл 03
Июн 27
Май 22
Май 18
Май 17
Май 14
Май 14
Май 07
Май 01
Апр 19
Апр 12
Апр 11
Фев 14
Фев 05
Янв 15
Дек 26

40 тартма
Дин
Мәкаләләр


Вакыйга

Май 07

Май 10

Фев 09

Янв 11

Янв 06

Әңгәмәләр
© 2009-2020 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе