“Православие мәдәнияте” дип аталган мәктәп курсы проекты тәнкыйть утына тотылды

Мөселман, яһүдләр һәм буддистларның дини берләшмәләре вәкилләре мәктәп программасына “Православие мәдәнияте” курсын кертү идеясенә карата үз фикерләрен белдерде. Әлеге курс мәктәптә унбер ел белем алу дәверендә өйрәнелергә тиеш.

БӘЙЛЕ
2016 Авг 02. Чыганак: ierei-korenev.ru

Моңарчы Мәскәү шәһәре педагогика университеты ректоры Игорь Реморенко үзләренә экспертизага “Православие мәдәнияте” курсы проекты кертелүе турында хәбәр иткән иде.

Билгеле булганча, дин мәдәнияте һәм дөньяви этика нигезләре дүртенче сыйныфта өйрәнелә. Ата-ана баласының нинди предмет өйрәнәчәген үзе хәл итә. Бүген көндә дөньяви этика, православие, дөньякүләм дини мәдәниятләр, ислам, буддизм һәм иудаизм модульләренең берсен сайлап алырга була.

"Коммерсант" хәбәр иткәнчә, Россиядәге башка 3 төп конфессия вәкилләре программа авторлары тәкъдим иткән идея белән килешмәгән. Әлеге идея “Россиядәге традицион рухи кыйммәтләрне, православие нигезендәге христианлыкның тарихи һәм мәдәни традицияләрен үзләштерү аша укучыларга әхлакый аң һәм үз-үзеңне тоту тәртибен” сеңдерү белән бәйле.

Буддистларның санжай-лама традицион сангхасының даими вәкиле Андрей Бальжиров фикеренчә, курс хупланган очракта, ул җәмгыятьнең бүлгәләнүенә китерәчәк.

Россиянең Яһүд дини оешмалары һәм берләшмәләре конгрессы вице-президенты раввин Зиновий Коган дини һәм мәдәни нигезләрне өйрәнү белән вәзгыятькә йогынты ясар өчен, башка традицион диннәргә дә уку программаларын эшләүдә һәм дәреслеклекләр язуда катнашырга кирәк дип саный.

РФ мөселманнары Диния нәзарәте рәисенең беренче урынбасары Дамир Мөхетдинов 2000 елларның икенче яртысында мәктәпләрдә дин укыту мәсьәләсе турында бәхәс “бөтен җәмгыять һәм дәүләт өчен бик авыр барды”. Әмма традицион диннәрнең рухи лидерлары һәм хакимиятләрнең тырышлыгы аркасында, әлеге вәзгыятьне җайлап җибәрү юллары табылды. Яңа программа проекты исә төрле диннәр арасында яңа бәхәскә юл ачарга мөмкин.


Комментарийны калдырыгыз
avatar

Авг 13
Авг 08
Авг 02
Июл 16
Июл 03
Июн 27
Май 22
Май 18
Май 17
Май 14
Май 14
Май 07
Май 01
Апр 19
Апр 12
Апр 11
Фев 14
Фев 05
Янв 15
Дек 26

40 тартма
Дин
Мәкаләләр


Вакыйга

Май 07

Май 10

Фев 09

Янв 11

Янв 06

Әңгәмәләр
© 2009-2020 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе