Казанга педагогика фәннәре кандидаты, этнопсихология һәм күп төрле мәдәниятка корылган мәгарифтәге психологик проблемалар кафедрасы доценты, мәктәп психологиясе кафедрасы доценты Ольга Павлова килә (Мәскәү).
22 апрельдә Казан федераль университетының Халыкара мөнәсәбәтләр, тарих һәм көнчыгышны өйрәнү институты базасындагы Ислам мәгарифен һәм исламиятне үстерү ресурс үзәгендә Казан мөселманнары өчен түбәндәге темаларга лекцияләр оештырыла:
- Дини-экстремистик эшчәнлеккә җәлеп итүнең психологик алшартлары. Дини экстремизмны булдырмый калуда психологик алымнар.
- Имам эшчәнлегендә мәдәниятара багланышлар психологиясе.
- Дини конфликтология. Диннәр арасындагы диалог.
Лекциядә теләге булган һәркем катнаша ала. Сез шулай ук әлеге темаларга һәм Мәскәүдәге мөселманнар тормышына кагылышлы сорауларыгызны бирә аласыз.
Лекция көндезге сәгать бердән кичке сәгать алтыга кадәр барачак дип хәбәр итәләр Ресурс үзәгеннән.