“Аш пешерүченең ашы: хәләл ризыкларны һәм ярымфабрикатларны өйгә китерү” проекты “Хәләл-Стартап” бәйгесендә җиңде

Сентябрь аенда Яр Чаллы мөхтәсибәте һәм шәһәрнең “Хәләл-Үзәге” “Хәләл-Стартап” бәйгесе игълан иткән иде. (Стартап сүзе инглизчәдән яңа кыю идеяне тормышка ашыру, яңа кызыклы продукция тәкъдим итүне аңлата).Исеменә бәйле рәвештә, аның максаты шәһәр мөселманнарын хәләл эшмәкәрлеккә тарту, аларны инвесторларда кызыксыну тудыра алырлык яңа проектлар иҗат итүгә этәрү иде.

Читайте также
2016 Дек 17. Фото:dumrt.ru

Беренче адымнар ук бу башлангычның бик вакытлы һәм урынлы булуын күрсәтте. Комиссия каравына 30 дан артык проект кабул ителде. Алар беренче этапта шәригать белгечләре, икенче этапта финанс-кредит учреждениеләре белгечләре тарафыннан тикшерелде.

Бәйгенең йомгаклау өлешенә 16 проект сайлап алынды. 15 декабрьдә аларның авторлары кабат “Хәләл-Үзәк”кә җыелды. Биредә проектларны яклау булды. Һәр проект авторына, үз юнәлешен аңлату өчен, 5 минут вакыт бирелде.

Ярты сәгатьтән соң жюри иң уңышлы проектларны игълан итте.

Беренче грантка (100 мең сум) “Аш пешерүченең ашы: хәләл ризыкларны һәм ярымфабрикатларны өйгә китерү” проекты авторлары Динар Зәйдуллин һәм Рамазан Сәйтов лаек булды.

Икенче грант (75 мең сум) “XXI гасырның яшь инженеры-технологы” проектын тәкъдим иткән Илнур Фәрхетдинов һәм Рамил Мозаффаровка тапшырылды.

Өченче грантка (50 мең сум) “Кәмаль” психофизиология үзәге” проекты авторы Гүзәл Әхмәтова ия булды.

Моннан тыш тамашачылар да үз күңеленә ошаган проектлар өчен яшерен тавыш бирде. “Күңелгә иң ятышлы проект хуҗасы” номинациясендә беренче призны (15 мең сум) хәләл сабын чыгару, спорт-сәламәтләндерү үзәге проектлары авторлары Наил Шәймөхәммәтов, Нәзирә Әхмәдуллина яулады. Бу номинациянең икенче, өченче призларына (10 мең, 5 мең сум) Илнар Фәрхетдинов, Рамил Мозафаров, Айгөл Солтанова, Илнур Гәрәев лаек дип табылды.

Бәйгедә катнашучыларның берсе дә бүләксез калмады. Призлы урыннарны алмаучыларга “Хәләл-Үзәк” җитәкчесе Илдар Җәмил улы дини әдәбият алу өчен 5 мең сумлык сертификат тапшырды.

Әлбәттә, алда әйтелгәнчә, эш призларда түгел. Эш - мөселман яшьләре арасында эшмәкәрлекне үстерүгә ярдәм итү, аларда заман таләпләренә туры китереп җитештерүгә, хезмәт күрсәтү технологияләренә карата кызыксыну уятуда. Бу эш Яр Чаллы мөхтәсибәтендә киләчәктә тагын да активрак дәвам итәр дип ышанасы килә.

Мәгълүмат ТР мөселманнары Диния нәзарәте рәсми сайтыннан алынды.


Авг 13
Авг 08
Авг 02
Июл 16
Июл 03
Июн 27
Май 22
Май 18
Май 17
Май 14
Май 14
Май 07
Май 01
Апр 19
Апр 12
Апр 11
Фев 14
Фев 05
Янв 15
Дек 26

40 тартма
Дин

Комментарийны калдырыгыз
avatar
Мәкаләләр
Вакыйга

Май 07

Май 10

Фев 09

Янв 11

Янв 06

Дек 19
Әңгәмәләр
© 2009-2016 "Татар Ислам" мэгълумат агентлыгы
Сайтка куелган язмаларга «Ислам info» «Медиа торкеме» ЖЧШ барлык хокукларга ия санала. Материалларны кулланганда гиперсылтама ясау мэжбури. Масса кулэм магълумат чараларында (Роскомнадзор) теркэлу турындагы таныклыгы: ИА № ФС-77-45782 13. 07 2011 ел. Урнаштырылган материал 18+. т.(843) 258-15-19
Сайтлар ясау хэм сайт белэн идарэ иту «Ариф» студиясе